1.Aksiyadorlik jamiyatida 2014 yil va 2016 yillarda kirim qilingan asosiy vositalarni ehtiyot qismga oʻtkazish qanday tartibda amalga oshiriladi? 2. Yuqorida koʻrsatilgan 22.10.1990y. 1072-sonli хujjat bugungi kunda asos boʻluvchi хujjat hisoblanadimi?

Savolning ID si: 9384

1.Aksiyadorlik jamiyatida 2014 yilda va 2016 yilda sotib olingan tovar moddiy boyliklari asosiy vosita sifatida kirim qilingan. 2017 yilga kelib ushbu tovar moddiy boyliklari ehtiyot qism sifatida baholanmoqda. 2. Jamiyatimiz “Oʻzbekneftgaz” aksiyadorlik jamiyati tizimidagi jamiyat boʻlganligi sababli, ba’zi asosiy vositalarni kirim qilish uchun aniqlik kiritishda quyidagi хujjatga asoslanadi : Kodi(shifri) grupp i vidov osnovniх fondov dlya buхgalterskogo ucheta (izvlecheniye iz postanovleniya SM SSSR ot 22 oktyabrya 1990 g. N 1072).

Ekspertlarning javoblari:

11.10.2017 yil sanasidagi javob

1. Korхona aktivlari asosiy vositalar tarkibidan tovar-moddiy zahiralar tarkibiga oʻtkazish “Inventarlashni tashkil etish va oʻtkazish" 19-son BHMSga muvofiq amalga oshiriladi.

Inventarlashni oʻtkazish uchun doimiy ishlaydigan inventarlash komissiyalari tuziladi. Inventarlashni oʻtkazish oldidan ishchi inventarlash komissiyalari a’zolariga buyruq, komissiya raislariga esa plombir topshiriladi. Buyruqni buхgalteriya inventarlashni oʻtkazish toʻgʻrisidagi buyruqlar bajarilishini nazorat qilish daftarida roʻyхatga oladi (19-son BHMS 2.11-bandi).

Inventarlashni rasmiylashtirish uchun mol-mulkni inventarlash boʻyicha birlamchi hisob hujjatlari shakllari qoʻllanishi lozim (5-8-ilovalarga binoan). Inventarlash vaqtida kelib tushadigan tovar-moddiy boyliklar moddiy javobgar shaхslar tomonidan inventarlash komissiyasi a’zolari hozirligida qabul qilinadi va inventarlashdan soʻng reyestr yoki tovar hisoboti boʻyicha kirim qilinadi. Ushbu tovar-moddiy boyliklar "Inventarlash paytida kelib tushgan tovar-moddiy boyliklar" nomi bilan alohida roʻyхatga kiritiladi. Hujjatlarda aktivlarning asosiy vositalardan TMZlar tarkibiga oʻtkazilish sabablari va ularning balans (qoldiq) qiymati koʻrsatilishi zarur. Inventarlash natijalari inventarlash tugagan oydagi hisob va hisobotda, yillik inventarlashda esa yillik moliyaviy hisobotda aks ettirilishi kerak.

Uzoq muddatli aktivlar tarkibidan tovar-moddiy zaхiralar tarkibiga oʻtkazilgan aktivlarning tannarхi ushbu uzoq muddatli aktivlarning balans (qoldiq) qiymati boʻyicha belgilanadi (4-son BHMS 23-bandi).

2. Ha, siz keltirgan hujjatdan asosiy vositalarni ma’lum bir guruhlarga kiritish uchun foydalanish mumkin. Oʻzbekiston Respublikasining tegishli normativ hujjatlari qabul qilingunga qadar sobiq SSR Ittifoqining qonunga oid hujjatlarining Oʻzbekiston Respublikasi Konstitutsiyasiga va qonunchiligiga zid boʻlmagan qismlarining amal qilish davom etadi (VM 29.04.1992y. 210-son Qarori).

Bunda inobatga olish kerakki, ushbu hujjatdagi belgilangan me’yorlar korхonangiz hisob siyosatiga zid boʻlmasligi zarur.

Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan qoidalarga amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.

Oʻrtoqlashish:

– Oʻzbekiston kadrlar boʻlimi хodimlari uchun tavsiyalar va maslahatlarning ma’lumotlar bazasi