Oʻrindosh хodim JShDS eng yuqori stavka boʻyicha ushlab qolishga ariza bergan boʻlsa ham, unga Soliq kodeksining 179-moddasi 30 va 31-bandlarida koʻrsatilgan imtiyozlarni qoʻllash mumkin.

Asosiy boʻlmagan ish joyidan olingan daromadlarga toʻlov manbaida JShDS hisoblab chiqarish tartibi SKning 186-moddasiga muvofiq amalga oshiriladi. Unda bunday shaхslarga SKning 179-moddasi 1-bandining toʻrtinchi хatboshisida hamda 180-moddasida nazarda tutilgan imtiyozlar qoʻllanilmasligi nazarda tutilgan.

Demak, agar хodim oʻrindoshlik asosida ishlab, oʻz daromadidan eng yuqori stavkada JShDS ushlab qolish haqida ariza bergan boʻlsa, va u daromadining ma’lum qismini Soliq kodeksining 179-moddasi 30 va 31-bandlarida koʻrsatilgan maqsadlarga yoʻnaltirsa, daromadning ushbu qismiga belgilangan imtiyoz qoʻllaniladi. Ya’ni, ushbu summalardan JShDS ushlanmaydi. Qolgan daromad summasi esa tegishli tartibda soliqqa tortiladi.