Ўриндош ходим ЖШДС энг юқори ставка бўйича ушлаб қолишга ариза берган бўлса ҳам, унга Солиқ кодексининг 179-моддаси 30 ва 31-бандларида кўрсатилган имтиёзларни қўллаш мумкин.
Асосий бўлмаган иш жойидан олинган даромадларга тўлов манбаида ЖШДС ҳисоблаб чиқариш тартиби СКнинг 186-моддасига мувофиқ амалга оширилади. Унда бундай шахсларга СКнинг 179-моддаси 1-бандининг тўртинчи хатбошисида ҳамда 180-моддасида назарда тутилган имтиёзлар қўлланилмаслиги назарда тутилган.
Демак, агар ходим ўриндошлик асосида ишлаб, ўз даромадидан энг юқори ставкада ЖШДС ушлаб қолиш ҳақида ариза берган бўлса, ва у даромадининг маълум қисмини Солиқ кодексининг 179-моддаси 30 ва 31-бандларида кўрсатилган мақсадларга йўналтирса, даромаднинг ушбу қисмига белгиланган имтиёз қўлланилади. Яъни, ушбу суммалардан ЖШДС ушланмайди. Қолган даромад суммаси эса тегишли тартибда солиққа тортилади.
Жавоблар улар эълон қилинган санада долзарб ҳисобланади.