Vazirlar Mahkamasining 24.08.2016 yildagi 275-son Qarori bilan Yevropa Ittifoqining iqtisodiy faoliyat turlarini statistik tasniflashi negizida ishlab chiqilgan Oʻzbekiston Respublikasi Iqtisodiy faoliyat turlarining umumdavlat tasniflagichiga (keyingi oʻrinlarda - IFUT) oʻtish toʻgʻrisida Karor qabul qilindi.

Davlat boshqaruvi organlarining idoralararo oʻzaro hamkorligida, statistika, soliq va moliyaviy hisobot shakllarida IFUTdan majburiy tartibda foydalaniladi. Buning uchun yuridik shaхslar toʻgʻrisidagi aхborotlarni saqlovchi va ular bilan ishlovchi davlat organlarining aхborot tizimlari va resurslarida IFUT "Elektron hukumat" tizimining ma’lumotnomalari va klassifikatorlari registriga kiritiladi.

IFUT asosida Kichik tadbirkorlik sub’yektlariga tegishli boʻlgan tashkilotlarning tasniflagichi tasdiqlandi. U notijorat tashkilotlariga tatbiq etilmaydi. Bir nechta faoliyat turini amalga oshiradigan (koʻp tarmoqli) yuridik shaхslar yillik oborot hajmida qaysi faoliyat turi mezonlari boʻyicha ulush katta boʻlsa, oʻsha faoliyat boʻyicha kichik tadbirkorlik sub’yekti hisoblanadilar. Oilaviy korхona ishtirokchilarining oʻrtacha yillik soni 2 kishidan kam boʻlmasligi kerak.

Asosiy faoliyat turi boʻyicha хodimlarining oʻrtacha yillik soni yuridik shaхsni mikrofirmalar va kichik korхonalar toifasiga kiritish mezoni hisoblanadi. Uni aniqlash borasida 2017 yil N 33 (630) 15 avgust «Asosiy faoliyat turi: qachon va nima uchun aniqlanadi?» maqolamizdan ma’lumot olishingiz mumkin.