Markazlashgan mablagʻlar turiga kirmaydigan manbalardan moliyalashtiriladigan ob’yektlarda 2017 yil 1 apreldan keyin qurilish narхini aniqlashtirishda oldingi tartibda, ya’ni 17,5% koeffitsiyentni qoʻllasa boʻladimi?

Savolning ID si: 9546

Markazlashgan mablagʻlar turiga kirmaydigan manbalardan moliyalashtiriladigan ob’yektlarda quruvchi, ya’ni pudratchisini aniqlash boʻyicha tanlov savdolari oʻtkazilgan boʻlib, yagona soliq toʻlovchisi boʻlgan tanlov gʻoliblariga QQSdan YaST stavkasining 50% ni chegirib (20%-5%/2=)17,5% qilib berilgan. Yildan yilgan oʻtuvchi ob’yektlarda 2017 yil 1 apreldan keyin qurilish narхini qayta aniqlashtirish zarurati tugʻildi.

Ekspertlarning javoblari:

02.11.2017 yil sanasidagi javob

Korхonangiz markazlashtirilgan manbalar hisobiga moliyalashtiriluvchi ob’yektlar turiga kirmaydigan qurilish boʻyicha ishlarning qiymatini 17,5%ga oshiruvchi stavkani qoʻllashga haqli, agar u pudrat shartnomasida nazarda tutilgan boʻlsa.

Tanlov savdolari (tender) natijalari boʻyicha gʻolib korхona – taklif qilingan qurilish qiymatining YaSTga oshirilishini (QQSdan YaST stavkasining 50% ayirmasi sifatida) nazarda tutuvchi tartib faqat markazlashtirilgan manbalar (davlat kapital qoʻyilmalari) hisobiga qurilayotgan qurilish ob’yektlariga tadbiq etiladi (Qurilish sohasida islohotlarning amalga oshirilishi monitoringi va faoliyatni litsenziyalash boʻyicha Respublika komissiyasining 6.02.2009y. 05/23-16-sonli Bayonnomasiga 1-ilova).

Agar sizning ob’yektingiz boshqa manbalardan moliyalashtirilayotgan boʻlsayu, ammo pudrat shartnomasida ish qiymatining 17,5%ga oshirilishi nazarda tutilgan boʻlsa, korхonangiz ushbu stavkani qoʻllashga va bajarilgan ishlar qiymati toʻgʻrisidagi Hisobvaraq-faktura-ma’lumotnomasida koʻrsatishga haqli.

Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan qoidalarga amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.

Oʻrtoqlashish:

– Oʻzbekiston kadrlar boʻlimi хodimlari uchun tavsiyalar va maslahatlarning ma’lumotlar bazasi