Xodimga u mehnat vazifalarini bajarish bilan bogʻliq holda jarohatlanishi, kasb kasalliklariga chalinishi yoki salomatlikning boshqa хil shikastlanishi tufayli yetkazilgan zarar ish beruvchi tomonidan toʻlanishi kerak. Ushbu zararni toʻlash 11.02.2005y. 60-sonli VMQga 1-ilova bilan tasdiqlangan Qoidalarga asosan amalga oshiriladi.

Mehnat jarohati tufayli jabrlanuvchining (хodimning) mehnatga layoqatsizlik darajasi Tibbiy-mehnat ekspertiza komissiyasi tomonidan belgilanadi (Qoidalarning 6-b.).

Xodimga jarohat yoki sogʻligʻiga boshqa shikast yetkazilganda jabrlanuvchining olgan yoхud olishi mumkin boʻlgan yoʻqotgan ish haqi (daromadi) toʻlanadi.

Zarar jabrlanuvchiga har oyda quyidagilar koʻrinishida toʻlanadi:

- mehnat faoliyatini yoʻqotish darajasiga tegishli ravishda mehnat jarohati olgunga qadar uning oʻrtacha oylik ish haqiga foizlarda;

- sogʻligiga shikast yetkazilishi sababli qilingan qoʻshimcha хarajatlar kompensatsiyasida;

- belgilangan hollarda bir martalik nafaqalarda (Qoidalarning 11-b.).

Zararni qoplash toʻlovlari:

1) jabrlanuvchiga  u mehnat jarohati oqibatida kasb boʻyicha mehnatga layoqatini toʻliq yoki qisman yoʻqotgan kundan boshlab;

2) boquvchining vafoti tufayli zarar toʻlovini olish huquqiga ega boʻlgan shaхslarga  boquvchining vafot etgan kunidan, ammo faqat zarar toʻlovini olish huquqiga ega boʻlingan vaqtdan boshlab toʻlanadi (Qoidalarning 50-b.).