Tashkilot oʻz pul mablagʻlarini respublikamizdagi tijorat banklariga depozit qoʻyilmasi toʻgʻrisidagi shartnomaga muvofiq depozitlarga joylashtirilib keladi. Depozit qoʻyilmasi toʻgʻrisidagi shartnomaga asosan bank yillik 9% miqdorda ustama haqi toʻlaydi va bu tashkilotning daromadi hisoblanadi. SKning 135-moddasi 4-хatboshisida “Daromadni aniqlashning хuddi shunday tartibi zayomni (qaytarib berish sharti bilan moliyaviy yordamni) olish sanasidagi Markaziy banki tomonidan belgilangan qayta moliyalashtirish stavkasidan past boʻlgan stavkada foizlar toʻlash sharti bilan berilgan zayomlarga (qaytarib berish sharti bilan moliyaviy yordamga) nisbatan qoʻllaniladi” deb belgilangan. Mazkur moddaning 4-хatboshisida asosiy urgʻu “zayom (qarz shartnomasi)” va “qaytarib berish sharti bilan moliyaviy yordam”ga qaratilganligini inobatga olib, tashkilotning depozit qoʻyilmasi toʻgʻrisidagi shartnomasini “zayom (qarz shartnomasi)” deb e’tirof etish mumkinmi hamda depozit qoʻyilmasi toʻgʻrisidagi shartnoma boʻyicha toʻlanayotgan yillik 9 foizlik ustama haqi (daromadi)ga soliq solish tartibi yuzasidan tushuntirish berishingizni soʻraymiz.