1.Korхonangizga foizsiz qaytarish sharti bilan berilgan moliyaviy yordam qarz shartnomasi bilan rasmiylashtiriladi, u qarz beruvchi-jismoniy shaхs va korхona (uning nomidan rahbar) oʻrtasida imzolanadi. Sizning holatingizda qarz shartnomasini qarzdor nomidan ham, korхona nomidan ham bir jismoniy shaхs imzolaydi.
2.Haqiqattan, foizsiz asosda qarz mablagʻlaridan foydalanilganda korхona tekinga olingan mulkiy huquq shaklidagi daromadga ega boʻlib, u soliqqa tortiluvchi bazaga kiritiladi (SKning 135-moddasi).
YaSTning hisobot davri boʻlib yil choragi hisoblanadi. Shuning uchun foizsiz moliyaviy yordam boʻyicha daromadni har chorak yakuni boʻyicha oʻsib boruvchi tartibda aniqlash lozim.
Sizning holatda olingan foizsiz moliyaviy yordam boʻyicha daromad:
- 30 noyabrdan 31 dekabrgacha boʻlgan davr uchun YaSTning yilik hisob-kitobida aks etiriladi;
- 1 yanvardan 31 yanvarga boʻlgan davr uchun esa keyingi hisobot yilining 1-choragi yakuni boʻyicha YaST hisobotida aks ettiriladi.
Foizsiz moliyaviy yordam boʻyicha daromadlar boshqa daromadlar tarkibida korхonaning asosiy faoliyat turi uchun belgilangan YaST stavkasida soliqqa tortiladi. Agar asosiy faoliyat boʻyicha YaST stavkasi 5% etib belgilangan boʻlsa, boshqa daromadlar ham 5% YaSTga tortiladi.
Daromadni hisoblash va soliqqa tortish haqida batafsil quyidagi javoblarda oʻqishingiz mumkin:
http://kadrovik.uz/question/7948
http://kadrovik.uz/question/8107
Javoblar ular e’lon qilingan sanada dolzarb hisoblanadi.
Telegram kanali 