1.Корхонангизга фоизсиз қайтариш шарти билан берилган молиявий ёрдам қарз шартномаси билан расмийлаштирилади, у қарз берувчи-жисмоний шахс ва корхона (унинг номидан раҳбар) ўртасида имзоланади. Сизнинг ҳолатингизда қарз шартномасини қарздор номидан ҳам, корхона номидан ҳам бир жисмоний шахс имзолайди.

2.Ҳақиқаттан, фоизсиз асосда қарз маблағларидан фойдаланилганда корхона текинга олинган мулкий ҳуқуқ шаклидаги даромадга эга бўлиб, у солиққа тортилувчи базага киритилади (СКнинг 135-моддаси).

ЯСТнинг ҳисобот даври бўлиб йил чораги ҳисобланади. Шунинг учун фоизсиз молиявий ёрдам бўйича даромадни ҳар чорак якуни бўйича ўсиб борувчи тартибда аниқлаш лозим.

Сизнинг ҳолатда олинган фоизсиз молиявий ёрдам бўйича даромад:

•  30 ноябрдан 31 декабргача бўлган давр учун ЯСТнинг йилик ҳисоб-китобида акс этирилади;
•  1 январдан 31 январга бўлган давр учун эса кейинги ҳисобот йилининг 1-чораги якуни бўйича ЯСТ ҳисоботида акс эттирилади.

Фоизсиз молиявий ёрдам бўйича даромадлар бошқа даромадлар таркибида корхонанинг асосий фаолият тури учун белгиланган ЯСТ ставкасида солиққа тортилади. Агар асосий фаолият бўйича ЯСТ ставкаси 5% этиб белгиланган бўлса, бошқа даромадлар ҳам 5% ЯСТга тортилади.

Даромадни ҳисоблаш ва солиққа тортиш ҳақида батафсил қуйидаги жавобларда ўқишингиз мумкин:

http://kadrovik.uz/question/7948

http://kadrovik.uz/question/8107

http://kadrovik.uz/question/8592

http://kadrovik.uz/question/8712