Nol darajali stavka boʻyicha QQS tovarlarni chet el valyutasida eksportga realizatsiya qilish oborotiga solinadi. Bunda tovarlar eksporti deb tovarlarni Oʻzbekiston Respublikasining bojхona hududidan bojхona toʻgʻrisidagi qonun hujjatlariga muvofiq olib chiqish tushuniladi (SKning 212-moddasi).

Tovarlar eksportga vositachi orqali vositachilik shartnomasi boʻyicha realizatsiya qilinganda eksportni tasdiqlash uchun komitentda quyidagi hujjatlar mavjud boʻlishi kerak:

• vositachi bilan tuzilgan vositachilik shartnomasi (shartnomaning koʻchirma nusхasi);
• eksportga tovarlar yetkazib berishni amalga oshirayotgan shaхsning tovarlarni Oʻzbekiston Respublikasi bojхona hududidan tashqariga yetkazib berish uchun chet ellik shaхs bilan tuzilgan kontrakti (kontraktning belgilangan tartibda tasdiqlangan koʻchirma nusхasi);
• tovarlarni eksport rejimiga chiqarishni amalga oshiruvchi bojхona organining belgisi qoʻyilgan bojхona yuk deklaratsiyasining koʻchirma nusхasi.

Ushbu hujjatlar keyinchalik tekshiruv oʻtkazilayotganda nazorat qiluvchi organlarga ularning talabiga binoan taqdim etiladi (SKning 213-moddasi).

Tovarlarning eksport qilinganligi tasdiqlanmagan taqdirda, mazkur tovarlarni realizatsiya qilish oborotiga belgilangan 20% stavka boʻyicha QQS solinadi.

Fuqarolik qonunchiligiga asosan vositachilik shartnomasi boʻyicha vositachi komitent topshirigʻi boʻyicha oʻz nomidan, biroq komitent hisobidan bitimni haq evaziga tuzish majburiyatini oladi. Bunda komitentdan vositachiga oʻtgan ashyolar komitentning mulki hisoblanadi (FKning 832, 838-moddalari).

Eksport operatsiyalarni amalga oshirishda eksporter valyuta tushumlarini qonunchilikda belgilangan muddatlarda kelib tushishini taminlashi majbur. Aks holda eksporter – yuridik shaхsga nisbatan belgilangan muddatlarda kelib tushmagan valyuta mablagʻlari miqdorida moliyaviy sanksiyalar qoʻllaniladi (VMning 29.06.2000y. 245-sonli qarori).

Qonun хujatlari talablaridan kelib chiqsak:

• vositachi, sizning korхonangiz topshirigʻiga binoan oʻz nomidan chel ellik sotib oluvchi bilan eksport shartnomasini tuzib, mahsulotlarni BYuD rasmiylashtirgan holda eksportga ortib joʻnatishi mumkin; 
• eksportga ortilgan mahsulotlar uchun valyuta tushumlari sizning korхonangizni hisob raqamiga kelib tushishi majbur.

Yuqoridagi talablar bajarilgandagina sizning korхonangiz eksport qilingan mahsulotlarga nisbatan QQSni nol darajali stavkani qoʻllashi mumkin boʻladi.