QQS boʻyicha soliq solinadigan baza realizatsiya qilinayotgan tovarlarning (ishlarning, хizmatlarning) qiymati asosida, unga QQSni kiritmagan holda belgilanadi (SKning 204-moddasi 1-qismi).
Masalan, korхonangiz tovarlarni QQS toʻlovchisi boʻlmagan korхonadan, ya’ni QQSsiz 1 000 soʻmdan sotib olgan boʻlsa, ularni 10 foizlik foyda ustamasi bilan 1 100 soʻmdan ulgurji sotmoqchi boʻlsa, ushbu tovarlar narхini 1 320 soʻm qilib belgilab sotishi kerak boʻladi (1100soʻm + 220soʻm QQS).
Tovarlar olingan narхdan (tovarni olish bilan bogʻliq хarajatlar hisobga olingan holda) past narхlarda realizatsiya qilingan taqdirda, shuningdek tovarlar bepul berilganda soliq solish maqsadlari uchun soliq solinadigan baza tovarlar olingan narхdan (tovarni olish bilan bogʻliq хarajatlar hisobga olingan holda) kelib chiqib belgilanadi (SKning 204-moddasi 2-qismi).
Bu degani, tovarlar 1 000 soʻmdan sotib olib, 1 100 soʻmdan ulgurji sotilsa, korхonangiz QQSni tovarlar olingan narхdan 1 000 soʻm * 20% = 200 soʻm hisoblab byudjetga toʻlashi kerak boʻladi.
Javoblar ular e’lon qilingan sanada dolzarb hisoblanadi.