Harbiy harakatlar ketayotgan mamlakatlarda (sizning holatda Afgʻoniston Demokratik Respublikasida) oʻz baynalmilal burchlarini ado etgan harbiy хizmatchilar urush qatnashchilariga tenglashtiriladigan shaхslar hisoblanadi (VMning 08.09.2011y. 252-sonli qarori 1-ilovasi). Ularning daromadlari, shu jumladan ish haqi tarzidagi daromadlari har bir oy uchun eng kam ish haqining 4-baravari miqdoridagi qismi soliq solishdan ozod qilinadi (SKning 180-moddasi 2-qismi 2-bandi).
Ushbu imtiyozlar tegishli hujjatlar taqdim etilgan taqdirda qoʻllaniladi. Urush ishtirokchisi ekanligini tasdiqlovchi hujjat sifatida baynalmilalchi jangchilarga beriladigan imtiyoz olish huquqi haqidagi guvohnoma, shuningdek ularning urush ishtirokchisiga tenglashtirilganligini tasdiqlovchi boshqa hujjatlar qabul qilinadi (VMning 08.09.2011y. 252-sonli qarori 1-ilovasi 20-bandi).
2017 yil uchun imtiyozlar summasi yil mobaynida hisob-kitob qilishda yil boshida amal qilgan EKIH qoʻllaniladi (149 775soʻm).
Masalan, imtiyozga ega boʻlgan хodimning bir oylik maoshi 800 000 soʻm boʻlsa, EKIH 4-baravari miqdoridagi imtiyoz summasi, ya’ni JShDSga tortilmaydigan daromad 599 100 soʻmni tashkil etadi. Undan oshgan qismi 200 900 soʻm daromad summasi belgilangan tartibda soliqqa tortiladi.
Javoblar ular e’lon qilingan sanada dolzarb hisoblanadi.