Malaka oshirish davri oʻrtacha oylik ish haqi hisoblashga kiradimi?
Savolning ID si: 9835
Xodim oхirgi 12 oyning 8 oyi davomida Bank akademiyasida oʻqishda boʻlgan va 4 oy mobaynida ishlagan.
Agar хodim yilning 8 oyi davomida ish beruvchi bank tomonidan oʻqishga yuborilgan va ushbu davrda unga oʻrtacha ish haqi toʻlab berilgan boʻlsa, uning yillik oʻrtacha ish haqi 8 oy oʻqish davomida toʻlangan oʻrtacha ish haqlari ham hisobga olinib hisoblanadimi yoki fakat oхirgi 4 oylik ishlagan davridan kelib chiqib hisoblanadimi?
Ekspertlarning javoblari:
Agar хodim malaka oshirishga ish beruvchi tomonidan yuborilsa, bu davr uchun unga oʻrtacha ish haqidan kam boʻlmagan miqdorda toʻlov kafolatlanadi (MKning 166-moddasi).
Xodim malaka oshirishga oʻrtacha ish haqi saqlangan holda yuborilganligi sababli, uning oʻrtacha ish haqini hisoblashda, ushbu davr ham hisobga olinadi.
Turli maqsadlarda oʻrtacha oylik ish haqini hisoblab chiqarish tartibi VMning 1997 yil 11 martdagi 133-sonli qaroriga 6-ilovada tasdiqlangan.
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Javoblar ular e’lon qilingan sanada dolzarb hisoblanadi.
Telegram kanali 