Малака ошириш даври ўртача ойлик иш ҳақи ҳисоблашга кирадими?
Саволнинг ID си: 9835
Ходим охирги 12 ойнинг 8 ойи давомида Банк академиясида ўқишда бўлган ва 4 ой мобайнида ишлаган.
Агар ходим йилнинг 8 ойи давомида иш берувчи банк томонидан ўқишга юборилган ва ушбу даврда унга ўртача иш ҳақи тўлаб берилган бўлса, унинг йиллик ўртача иш ҳақи 8 ой ўқиш давомида тўланган ўртача иш ҳақлари ҳам ҳисобга олиниб ҳисобланадими ёки факат охирги 4 ойлик ишлаган давридан келиб чиқиб ҳисобланадими?
Экспертларнинг жавоблари:
Агар ходим малака оширишга иш берувчи томонидан юборилса, бу давр учун унга ўртача иш ҳақидан кам бўлмаган миқдорда тўлов кафолатланади (МКнинг 166-моддаси).
Ходим малака оширишга ўртача иш ҳақи сақланган ҳолда юборилганлиги сабабли, унинг ўртача иш ҳақини ҳисоблашда, ушбу давр ҳам ҳисобга олинади.
Турли мақсадларда ўртача ойлик иш ҳақини ҳисоблаб чиқариш тартиби ВМнинг 1997 йил 11 мартдаги 133-сонли қарорига 6-иловада тасдиқланган.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 