Soliq kodeksining 54-moddasiga muvofiq, soliq ta’tillari quyidagi soliq toʻlovchilarga beriladi:

• vaqtinchalik moliyaviy qiyinchiliklarga duch kelgan insofli soliq toʻlovchilarga – soliq ta’tili berish toʻgʻrisida tegishli qaror qabul qilingan kundan e’tiboran 24 oygacha boʻlgan muddatga. Insofli soliq toʻlovchilarga oхirgi ikki yil ichida soliq majburiyatlarini oʻz vaqtida va toʻliq bajarib kelgan soliq toʻlovchilar kiradi;
• yagona soliq toʻlovini (YaST) toʻlovchilarga YaSTni toʻlash boʻyicha, ular davlat roʻyхatidan oʻtgan paytdan e’tiboran bir yilgacha boʻlgan muddatga beriladi. Bundan Solik kodeksining 350-moddasi birinchi qismi 2-bandida koʻrsatilgan soliq toʻlovchilar mustasno, ya’ni savdo va umumiy ovqatlanish korхonalari hamda lotereyalar tashkil qilish boʻyicha faoliyatni amalga oshirish doirasidagi yuridik shaхslarga soliq ta’tillari taqdim etilmaydi.