Меҳнат дафтарчаси тўлдирилаётганда “Туғилган санаси ва йили” устунига ишга кирган сана ёзиб қўйилди. Бу қоидабузарлик ҳисобланадими ва бунинг учун жарима солиниши мумкинми? Буни қандай тузатиш мумкин?

Мазкур ёзув хато ҳисобланади. Меҳнат дафтарчаларини юритиш тартиби тўғрисида Йўриқномада (АВ томонидан 1998-йил 29-январда 402-сон билан рўйхатга олинган) буни тузатиш тартиби назарда тутилмаган. Ҳуқуқни қўллаш амалиётида мазкур ёзувни эҳтиёткорлик билан бир чизиқ билан ўчириб, юқоридан эса тўғриси киритилади. Қонун ҳужжатларида мазкур ҳолатда жавобгарлик назарда тутилмаган.