Бўлимда умуман мавзуни очиб берадиган ва кадрлар бўйича мутахассисга масаланинг моҳиятини тезда тушунишга ёрдам берадиган материаллар тўпланган. Маслаҳатлар тушунарли шаклда ёзилган.

Агар сиз мавзуни чуқурроқ ўрганмоқчи бўлсангиз, ҳар бир маслаҳатда батафсил тушунтиришлар билан тавсияномаларга ҳаволалар, ҳужжатлар намуналари ва тегишли норматив ҳужжатлар мавжуд. Бу қулай – излашга вақт сарфламасдан, керакли материалларга дарҳол ўтиш мумкин.

Ушбу бўлимда меҳнат қонунчилигидаги энг долзарб ўзгаришлар, кадрлар иши учун муҳим бўлган янги қарорлар ва буйруқлар эълон қилинади.

Ҳар бир янгилик қисқа ва тушунарли шаклда, ўзгаришлар кадрлар бўйича мутахассиснинг ишига қандай равишда тааллуқли бўлиши ва ўзгаришлар муносабати билан у нима қилиши кераклигига эътибор қаратилган ҳолда тақдим этилади. Янгиликлар норматив ҳужжатлар, мавзу бўйича тавсияномалар ва шаклларга ҳаволалар билан мустаҳкамланади.

Бу бўлим кадрлар бўйича мутахассиснинг асосий қуроли бўлиб, унда: кадрлар ишининг ишга қабул қилиш, меҳнат шартномаларини тузиш ва таътилларни расмийлаштиришдан то ишдан бўшатиш, ҳарбий рўйхатга олишни юритиш, меҳнатни муҳофаза қилиш ва ходимларни бошқаришгача бўлган барча йўналишлари бўйича қадам-бақадам материаллар тўпланган.

Бу ерда сиз локал норматив ҳужжатларни ишлаб чиқиш ва долзарблаштириш, ДМИ текширувларини ўтказиш ва меҳнат низоларини ҳал қилиш бўйича тавсияларни топасиз.

Барча тавсияномалар амалиётчи экспертлар – Бандлик ва меҳнат муносабатлари вазирлиги, Давлат меҳнат инспекцияси, ЯММТ мутахассислари, шунингдек тажрибали кадрлар бўйича мутахассислар ва ҳуқуқшунослар томонидан тайёрланган.

«Шакллар» бўлимида кадрлар бўйича мутахассиснинг кундалик ишида қўлланиладиган кадрлар ҳужжатларининг барча асосий намуналари ва шаблонлари тўпланган. Бу ерда сиз амалдаги қонунчиликка мувофиқ расмийлаштирилган буйруқлар, аризалар, шартномалар, лавозим йўриқномалари, далолатномалар, жадваллар, журналлар, хабарномалар ва хизмат хатларини топасиз.

Шакллар яққол мисол учун экспертлар томонидан тўлдирилган, сиз эса бўш бланкни юклаб олишингиз ва ҳужжатни аниқ вазиятга мослаштирган ҳолда унга ўз маълумотларингизни киритишингиз мумкин. Барча шаблонларни юклаб олиш, тўлдириш ва дарҳол ишда фойдаланиш мумкин.

Ҳужжатлар намуналари кадрлар бўлими ходимига ҳужжатларни расмийлаштиришда хатоларга йўл қўймаслик, ҳисоботларни тайёрлаш вақтини қисқартириш ва ҳужжатларни актуал ҳолатда сақлашга ёрдам беради.

Ушбу бўлимда кадрлар бўйича мутахассисларнинг реал саволларига экспертларнинг амалий жавоблари жамланган. Барча вазиятлар кундалик амалиётдан олинган: ишга қабул қилиш, таътиллар, ишдан бўшатиш, меҳнат низолари, ДМИ текширувларини расмийлаштириш ва бошқалар.

Жавоблар «кадрлар бўйича мутахассиснинг саволи – экспертнинг жавоби» шаклида, тушунтиришлар, Меҳнат кодексининг моддалари ва бошқа норматив ҳужжатларга ҳаволалар билан берилади. Бу маълум бир муаммонинг ечимини нафақат тезда топиш, балки келгусида шунга ўхшаш вазиятларда қандай ҳаракат қилишни тушуниш имконини беради.

Экспертга ўз саволингизни бериш имкониятидан ташқари, сизда қачонлардир ҳамкасбларингиз томонидан берилган «Биз жавоб берамиз» кадрларга оид саволларнинг бутун базасига кириш имконияти ҳам мавжуд.

Ушбу бўлимда меҳнат муносабатларини тартибга солувчи амалдаги норматив ҳужжатлар жамланган: Меҳнат кодекси, қарорлар ва буйруқлар, йўриқномалар, низомлар ва кадрлар бўйича мутахассиснинг ишида керак бўладиган бошқа ҳужжатлар.

Барча ҳужжатлар номи ёки асосий сўзлар бўйича тез қидириш имконияти билан долзарб таҳрирда тақдим этилган. Бўлим сиз буйруқ, локал ҳужжат ёки маслаҳатда асосланаётган нормани тез текширишга ва фақат амалдаги қонунчиликдан фойдаланилаётганига ишонч ҳосил қилишга ёрдам беради.

Шунингдек кучини йўқотган норматив ҳужжатлар ҳам мавжуд – бундай файлларга «ҳужжат кучини йўқотган» деган белги қўйилган. Бу илгари қандай нормалар амал қилганлигини кузатиш ва таҳлил қилишда уларни тўғри қўллаш имконини беради.

Бундан ташқари, Kadrovik PRO «Қонунчилик» базасида энг муҳим ҳужжатлар, ҳатто ҳужжат фақат давлат тилида қабул қилинган бўлса ҳам, бирйўла иккита тилда тақдим этилади.

Ушбу бўлимда сиз таътил пуллари суммасини автоматик равишда ҳисоблашингиз мумкин – тизим Меҳнат кодекси нормаларини, амалдаги коэффициентларни ва ўртача иш ҳақини ҳисоблаш қоидаларини ҳисобга олади.

Дастлабки маълумотларни киритиш кифоя: иш даври, таътил кунларининг сони ва иш ҳақи миқдори – калькулятор ходимга тўланиши керак бўлган суммани бир зумда ҳисоблаб чиқади.

Восита, айниқса, кадрлар бўлими ходимлари ва бухгалтерлар учун фойдали: у вақтни тежайди, қўлда ҳисоблашда хатоларга йўл қўймайди ва ҳисоб-китобларнинг тўғрилигини тўлашдан олдин дарҳол текширишга ёрдам беради.

Ҳар ойда тизимда ойнинг янги мавзуси – айнан шу даврда мутахассисларда катта қизиқиш уйғотадиган долзарб кадрлар масаласи эълон қилинади. Бу, масалан, ёзда таътиллар бериш тартиби, ДМИ текширувига тайёргарлик кўриш, ҳисобот шаклларининг ўзгариши ёки қонунчиликнинг янги талаблари бўлиши мумкин.

Бўлимни танлаганингиздан сўнг, сиз ой мавзусига ўтасиз, унда мавзуни тезда тушуниш ва билимларни амалда қўллашга ёрдам берадиган амалий тавсиялар, қадам-бақадам алгоритмлар, ҳужжатлар шаблонлари, чек-варақлар ва интерактив материалларни топасиз.

Ой мавзуси кадрлар бўлими ходимларига ўзгаришлардан хабардор бўлишга ва меҳнат инспекторлари ёки раҳбарият «шу ерда ва ҳозир» бериши мумкин бўлган саволларга тайёр туришга ёрдам беради.

Ушбу бўлимда Kadrovik Academy платформасида кадрлар бўйича мутахассислар ва ходимларни бошқариш бўйича мутахассислар учун курслар тақдим этилган. Бу ерда HR ва кадрларни бошқариш соҳасида муваффақиятга эришиш учун зарур бўлган амалий билим ва кўникмаларга эга бўлиш мумкин.

Сиз ўзингиз учун қизиқарли бўлган мавзуни танлаб, ўзингизга қулай вақтда ўқишингиз ва малака оширишингиз мумкин.

Шунингдек бўлимда ўтган вебинарлар ёзувлари мавжуд бўлиб, уларни исталган вақтда офисдан чиқмасдан қайта кўриб чиқишингиз мумкин.