2022 йилда таътилларни ҳисоблашда Қурбон ҳайити байрамини ҳисобга олиш тартиби

preview

Эслатиб ўтамиз, 2022 йилнинг 10 июль кунига (якшанба) байрам – Қурбон ҳайити (байрамнинг аниқ санаси бир кунга ўзгариши мумкин, бу ҳолда қўшимча норматив-ҳуқуқий ҳужжат  қабул қилинади) тўғри келади. 2022  йилнинг 11 ва 12 июль кунлари қўшимча дам олинади. 11 июль барча иш режимлари учун қўшимча дам олиш куни, 12 июль – 6 кунлик иш ҳафтаси учун ишланмайдиган қўшимча дам олиш куни, 5 кунликлар учун 16 июль шанба куни ишлаб бериш билан дам олиш куни бўлади.

Июнь-июль ойларига тўғри келадиган таътилларни ҳисоблашда ушбу саналарни қандай ҳисобга олиш кераклигини «Норма» эксперти Валерия ЛЯНДРЕС тушунтириб ўтди:

 

– Шу йилнинг июнь-июль ойларига тўғри келадиган меҳнат таътилларини расмийлаштиришда ортиқча қийинчиликларни келтириб чиқармаслик учун таътилларни ҳисоблашда ходим таътилининг сўнгги куни 8 ёки 9 июль санасига, ишга чиқиш эса дам олиш кунидан кейинги – 13 июль санасига тўғри келишини  расмийлаштиришни тавсия этамиз.

Масалан, ходимга давомийлиги 15 иш куни бўлган таътилни 2022 йил 22 июндан  8 июлгача расмийлаштириш мумкин.

Агар бундай қулай ҳисоб-китобни қўллашнинг имкони бўлмаса, июль ойидаги дам олиш кунлари ва байрамдан кейинги кунларга тўғри келадиган таътилни расмийлаштиришда қуйидагиларни ҳисобга олинг:

  • якшанба кунлари, шу жумладан – 10 июлни;
  •  барча иш режимлари учун қўшимча дам олиш куни – 11 июлни;
  •  6 кунлик иш ҳафтаси учун – 12 июлни.

5 кунлик иш ҳафтаси учун 12 июль таътил давомийлигини ҳисоблашга киритилади, чунки бу – 16 июль шанба кунига кўчирилган дам олиш куни. Умумий қоидаларга кўра таътилларнинг муддати олти кунлик иш ҳафтаси юзасидан календарь бўйича иш кунлари билан ҳисоблаб чиқарилади .

Агар расман тасдиқланган дам олиш санаси ўзгарадиган бўлса, таътилларни бундай ҳисоблашда таътил саналари бўйича буйруқларга ўзгартириш киритишингиз кераклигини ҳисобга олинг.

Келгусида юқоридагиларни ҳисобга олган ҳолда таътил жадвалларини тузишни тавсия қиламиз.


Таътиллар ва бошқа дам олиш вақтлари Таътиллар ва бошқа дам олиш вақтлари Таътиллар ва бошқа дам олиш вақтлари /uz/publish/doc/text182035_2022_yilda_tatillarni_hisoblashda_qurbon_hayiti_bayramini_hisobga_olish_tartibi