Таътил вақтида ишдан бўшаш мумкинми

«Бош бухгалтер таътил пайтида ишдан бўшашга қарор қилди ва ўз хоҳишига кўра ишдан бўшаш ҳақида ариза ёзди. У таътилдан чиққанидан кейин белгиланган икки ҳафтани ишлаб бериши керакми?».

Kadrovik.uz тушунтиради:

– Ходим таътилда ёки «касаллик таътилида» бўла туриб ҳам ишдан бўшаш учун ариза бериши мумкин.

Эътибор беринг

Бош бухгалтер билан меҳнат шартномасини бир ойлик огоҳлантириш муддати тугаши билан, ҳатто бу муддат таътил ёки касаллик кунларига тўғри келган бўлса ҳам бекор қилиш керак .

Меҳнат қонунчилиги ходимни ишдан бўшаш тўғрисида ходимларнинг турли тоифаси учун белгиланган муддатда огоҳлантиришга мажбур қилади, балки кенг тарқалганидек уларни «ишлаб беришни» эмас

Асосий тоифадаги ходимлар номуайян муддатга тузилган меҳнат шартномасини, шунингдек муддати тугагунига қадар муддатли меҳнат шартномасини ўн тўрт календарь кун олдин бу ҳақда иш берувчини ёзма шаклда огоҳлантирган ҳолда бекор қилишга ҳақли .

Меҳнат кодекси ходимнинг ташаббусига кўра меҳнат шартномасини бекор қилиш тўғрисида иш берувчини огоҳлантиришнинг бошқа муддатларини ҳам назарда тутади. Шундай қилиб:

• ташкилот раҳбари ўз ташаббусига кўра номуайян муддатга тузилган меҳнат шартномасини, шунингдек муддати тугашидан олдин муддатли меҳнат шартномасини бекор қилишга ҳақли бўлиб, бу ҳақда иш берувчини икки ой олдин ёзма шаклда огоҳлантириши керак ;
• раҳбарнинг ўринбосарлари, ташкилот бош бухгалтери, алоҳида бўлинмалар раҳбарлари ўз ташаббусига кўра номуайян муддатга тузилган меҳнат шартномасини, шунингдек муддати тугашидан олдин муддатли меҳнат шартномасини бекор қилишга ҳақли бўлиб, бу ҳақда иш берувчини бир ой олдин ёзма шаклда огоҳлантириши керак ;
• мавсумий ходим иш берувчини уч календарь кун олдин ёзма шаклда огоҳлантириб, меҳнат шартномасини ўз ташаббусига кўра бекор қилишга ҳақли ;
• мавсумий ишлаган ходим иш берувчини уч календарь кун олдин ёзма шаклда огоҳлантириб, меҳнат шартномасини ўз ташаббусига кўра бекор қилишга ҳақли ;
• иш берувчи бўлган микрофирма ходими иш берувчи бўлган микрофирмани етти календарь кун олдин ёзма шаклда огоҳлантирган ҳолда, меҳнат шартномасини ўз ташаббусига кўра бекор қилишга ҳақли ;
• ходим якка тартибдаги тадбиркор билан тузилган меҳнат шартномасини ушбу тадбиркорни етти календарь кун олдин ёзма шаклда огоҳлантирган ҳолда ўз ташаббусига кўра бекор қилишга ҳақли ;
• уй ишчиси меҳнат шартномасини иш берувчи бўлган жисмоний шахсни етти календарь кун олдин ёзма шаклда огоҳлантирган ҳолда, ўз ташаббусига кўра бекор қилишга ҳақлидир .

Таътил пайтида ёки меҳнатга қобилиятсизлик даврларида меҳнат шартномасини бекор қилишни тақиқлаш фақат иш берувчининг ташаббуси билан ишдан бўшатилганда амал қилади .

Бундан ташқари, огоҳлантириш муддати МК 160-м. 8-қисмида белгиланган объектив сабабларга кўра қуйидаги вазиятларда қисқартирилиши мумкин:

• таълим ташкилотига қабул қилинганлиги;
•  пенсияга чиққанлиги;
• сайлаб қўйиладиган лавозимга сайланганлиги;
• бошқа ҳолларда.

Бундай вазиятда иш берувчи меҳнат шартномасини ходим талаб қилган муддатда бекор қилиши керак.

Валерия ЛЯНДРЕС янгилади