Миллий малака тизимини тартибга солишнинг янги чора-тадбирлари

Вазирлар Маҳкамаси қарор билан Малакани баҳолаш маркази тўғрисидаги намунавий низом тасдиқлади. Шунингдек, қарорда Марказ зиммасига юклатилган вазифалар, малакани баҳолаш воситалари ва бошқа регламентлар тасдиқланди. Бу ҳақида батафсил нашрда ўқинг.

Вазирлар Маҳкамаси 17.06.2025 йилдаги 369-сон қарори билан миллий малака тизимига оид ўзгартиришларни тасдиқлади. Хусусан, қуйидагилар жорий этилади:

1. Малакани баҳолаш маркази тўғрисидаги намунавий низом;
2. Касбий малакаларни ривожлантириш бўйича республика кенгаши тўғрисидаги низом;
3. Касбий малакаларни ривожлантириш бўйича тармоқ кенгашлари тўғрисидаги намунавий низом;
4. Малакани баҳолаш марказларини аккредитациядан ўтказиш бўйича давлат хизматини кўрсатишнинг маъмурий регламенти.

Kadrovik.uz тавсия қилади

 

• Ходимларни аттестациядан қандай ўтказилади
• Аттестация натижаларига кўра малака тоифаси қандай берилади
• Ходимни малака оширишга юбориш қандай расмийлаштирилади
• Малака оширишга юборишда шартнома тузиш керакми

Қарорга кўра, Марказнинг вазифаларига баҳолаш воситаларини ишлаб чиқиш ва тегишли тармоқ кенгашидан экспертизадан ўтказиш киради. Бундан ташқари, Марказ қуйидагиларни амалга оширади:

• касбий имтиҳонларни ўтказиш;
• ҳар бир касб бўйича беш йил муддатга амал қиладиган малакани баҳолаш воситаларини ишлаб чиқиш ва жойлаштириш, шунингдек, касб стандартлари ва малака талабларига мувофиқ таълим натижаларини тасдиқлаш;
• миллий малака тизимига оид қонунчилик ҳужжатларини такомиллаштиришга ёрдам берувчи таклифларни ишлаб чиқиш;
• малакани баҳолашни ўтказишда шаффофлик ва холисликни таъминлаш механизмларини жорий этиш.

Ўқишни тавсия қиламиз

 

• Қачон иш берувчи ўқитиш харажатларини ушлаб қолишга ҳақли
• Ходимни малака оширишга юбориш хизмат сафари ҳисобланадими
• Ходим малакаси етарли бўлмаганлиги сабабли бажараётган ишига мувофиқ эмаслиги учун қандай ишдан бўшатилади

Баҳолаш воситалари умумий маълумотлар, касбий имтиҳонлар учун назарий ва амалий топшириқлар ва уларнинг тавсифи, баҳолаш мезонлари, баҳолаш воситасини ишлаб чиқишда фойдаланилган материалларни ўз ичига олади. Бундан ташқари, қуйидагилар ҳисобга олинади:

• меҳнатни муҳофаза қилиш, саноат, техника ва ёнғин хавфсизлиги қоидалари;
• санитария қоидалари;
• гигиена нормативлари.

Kadrovik.uz тавсия қилади

 

• Иш тажрибасига эга бўлмаган ёш номзодларни қандай тўғри баҳолаш керак
• Меҳнат муҳофазаси бўйича йўриқномалар қандай ишлаб чиқилади
• Меҳнатни муҳофаза қилиш бўйича ўқимаган ва билимлари текширувидан ўтмаган ходимни қандай четлаштириш керак