Mehnat shartnomasida qoidabuzarliklar va jarimalar haqida ma’lumot berish mumkinmi

«Tashkilot xodimlar bilan tuzilgan mehnat shartnomalariga ilovada quyidagilarni koʻrsatgan: 1) himoya toʻsiqlari boʻlmagan joylarda sugʻurtasiz (montaj kamari) 1,8 m dan ortiq balandlikda ishlash – 100 ming soʻm jarima. 2) qurilish maydonida maxsus kiyimsiz va shaxsiy himoya vositalarisiz boʻlish, biron-bir kiyim yoki himoya vositasining qonun hujjatlari talablariga mos kelmasligi – 50 ming soʻm jarima. 3) yongʻinga qarshi rejim qoidalarini buzish – 100 ming soʻm jarima. 4) elektr qurilmalari (PUE, PTEE) qoidalarini buzish – 50 ming soʻm jarima. Bu qonuniymi?».

Kadrovik.uz tushuntiradi:

– Qoidabuzarliklar roʻyxati va ular uchun qoʻllaniladigan jarimalar miqdori, qoida tariqasida, Ichki mehnat tartibi qoidalarida (barcha mulk shaklidagi tashkilotlar uchun majburiy) yoki texnika xavfsizligi va mehnat muhofazasiga oid boshqa mahalliy hujjatlarda keltiriladi.

Mehnat shartnomalarini tuzishda xodimlarni imzo ostida korxonaning ushbu mahalliy hujjatlari bilan tanishtirish kifoya.

Ushbu mavzu boʻyicha qoʻshimcha maslahatlarni quyidagi nashrlardan topasiz:

• Filiallarda xodimlarni mahalliy hujjatlar bilan tanishtirish tartibi;
• Ichki mehnat qoidalarini ishlab chiqish, tasdiqlash va ularga tuzatish kiritish;
• Lavozim yoʻriqnomasi qanday tuziladi, u ish beruvchiga qachon qoʻl kelishi mumkin;
• IMTQ yoʻqligi korxonaga qanday ta’sir koʻrsatadi;
• Xodim oʻz aybi bilan zarar koʻrsa;
• Xodimga mehnatni muhofaza qilish boʻyicha koʻrsatmasiz ishlashga ruxsat berish mumkinmi.

Valeriya LYaNDRES

 «Norma» eksperti