QQS boʻyicha soliq hisobotining 7-ilovasida хarid qilingan (shu jumladan ustav kapitaliga ulush sifatida kiritilgan) tovarlar (ishlar, хizmatlar) boʻyicha schyot-fakturalar (keyingi oʻrinlarda kiruvchi schyot-faktura) aks ettiriladi. 7-ilovaning 6-ustunida (kiruvchi schyot-faktura qayd etilgan satrda) kiruvchi schyot-fakturaning 5-ustunida koʻrsatilgan summa aks ettiriladi (mazkur holatda 25 mln.soʻm). Shu satrning 7-ustunida esa kiruvchi schyot-fakturaning 9-ustunida koʻrsatilgan summa aks ettiriladi (mazkur holatda 5 mln.soʻm).
QQS boʻyicha soliq hisobotida aks ettiriladigan tovarlar (ishlar, хizmatlar)ning QQSsiz qiymatini hamda QQS qiymati aynan schyot-fakturaning (kiruvchi va chiquvchi schyot-faktura yoki uning oʻrnini bosuvchi boshqa hujjatlarning) tegishli ustunlaridan olinadi.
QQS boʻyicha soliq hisoboti shakllarini toʻldirish boʻyicha yetarli ma’lumotga ega boʻlish uchun SKning VII boʻlimi “Qoʻshilgan qiymat soligʻi” hamda MV va DSQning 2013 yil 4 martdagi 23, 2013-8-son qaroriga 3-ilova “QQS boʻyicha soliq hisoboti shakllari”ni mukammal oʻrganib chiqishni tavsiya etamiz.
Javoblar ular e’lon qilingan sanada dolzarb hisoblanadi.