Jami maydoni 1 gektardan koʻproq yer uchastkasiga ega boʻlgan YaST toʻlovchilari uchun 2018 yilning 1 aprelidan boshlab, jami maydonga yer soligʻini toʻlash joriy etilgan (SKning 349-moddasi).

Moliya vazirligi va Davlat soliq qoʻmitasining 2018 yil 4 apreldagi qarori bilan YaST toʻlovchilari tomonidan yer soligʻini hisoblab chiqarish va toʻlash toʻgʻrisidagi Nizom tasdiqlandi (AVda 2018 yil 16 aprelda 3001-son bilan roʻyхatga olingan). Ushbu Nizomning 5-moddasiga binoan, 1 gektardan ortiq yeri boʻlgan YaST toʻlovchilar yer soligʻini umumiy yer maydonidan, qonun hujjatlariga muvofiq soliq solinmaydigan yer uchastkalarini chegirib tashlangan holda,  hisoblab chiqaradilar. Ya’ni, korхonaning jami yer maydonidan soliq solinmaydigan qismi chiqarib tashlanadi va qolgan qismidan yer soligʻi hisoblanadi.

Qonun hujjatlariga asosan, yer qa’ridan foydalanish yerlari (shu jumladan gʻisht ishlab chiqaruvchi foydalanadigan karyer yerlari) soliq solinmaydigan yer uchastkalari boʻlib hisoblanmaydi (SKning 280-moddasi). Demak, mazkur vaziyatda korхonaga tegishli 14,8 gektar yer uchastkasi – soliq solinadigan ba’za hisoblanadi.