Qishloq хoʻjaligi tovarlari ishlab chiqaruvchi yagona yer soliq toʻlovchilarga Soliq Kodeksi 282-moddasining ikkinchi qismida nazarda tutilgan yer soligʻi boʻyicha imtiyozlar tatbiq etiladi. Ushbu moddaning 24-bandiga muvofiq, melioratsiya ishlari amalga oshirilayotgan mavjud sugʻoriladigan yerlar, ishlar boshlanganidan e’tiboran besh yil mobaynida soliq solinmaydigan yer uchastkalari jumlasiga kiritilgan. Agar ajratilgan yer savolda aytilganidek sugʻorilmaydigan, yangi oʻzlashtiriladigan yer boʻlsa, u holda 282-moddaning 23-bandini qoʻllash imkoniyatini koʻrib chiqish mumkin.

Soliq kodeksida koʻrsatilgan imtiyozlarni qoʻllash uchun soliq toʻlovchida yetarli asoslar boʻlishi kerak (SKning 30, 31-moddasi).

Yerni oʻzlashtirish yoki melioratsiya ishlarini boshlashdan avval ushbu ishlar loyihasini tayyorlamoq va bu loyihani vakolatli organlar – Qishloq хoʻjalik va Suv хoʻjaligi Vazirliklarining tarkibiy boʻlinmalari bilan uygʻunlashtirmoq lozim. Vakolatli organ bilan uygʻunlashtirilgan loyihaning mavjudligi soliq imtiyozlarini qoʻllash uchun asos boʻladi.