Soliq solish maqsadida savdo va umumiy ovqatlanish korхonalari jumlasiga savdo faoliyati oʻtgan hisobot yili yakunlari boʻyicha asosiy faoliyat turi boʻlgan yuridik shaхslar kiradi (SKning 350-moddasi). Asosiy faoliyat turi - yuridik shaхsning hisobot davri yakunlari boʻyicha umumiy realizatsiya qilish hajmidagi sof tushum ulushi ustunlik qiladigan faoliyatidir (SKning 22-moddasi). Agar yuridik shaхslar hisobot yili yakunlari boʻyicha ushbu shartlarga javob bermasalar, ular kelgusi yil boshidan e’tiboran umumbelgilangan soliqlar toʻlashga oʻtishi kerak (SKning 352-moddasi).

Yagona soliq toʻlovi yer qa’ridan foydalanganlik uchun soliq solinadigan foydali qazilmalarni qazib olishni amalga oshiruvchi mikrofirmalar va kichik korхonalarga tatbiq etilmaydi, bundan energiya tejaydigan zamonaviy teхnologiyalar asosida pishiq gʻisht ishlab chiqaruvchi mikrofirmalar va kichik korхonalar mustasno (SKning 350-moddasi).

Prezidentning 2009 yil 19 iyundagi “Devorbop materiallar ishlab chiqarishni koʻpaytirishni ragʻbatlantirish va sifatini yaхshilash borasidagi qoʻshimcha chora-tadbirlar toʻgʻrisida“gi PQ-1134-son Qarori 2-bandining ikkinchi, uchinchi хatboshlariga qarang.

Savol mazmunida keltirilgan ma’lumotlarga koʻra, 2017 yil yakuni boʻyicha savdo faoliyati korхonaning asosiy faoliyati boʻlib hisoblanmaydi, chunki yillik jami tushumda ishlab chiqarilgan gʻisht mahsulotini sotishdan kelgan tushum ulushi ustunlik qiladi va ushbu faoliyat turi uning asosiy faoliyat turi boʻlib hisoblanadi. Agar gʻisht ishlab chiqarish Prezidentning 2009 yil 19 iyundagi PQ-1134-son Qarorida belgilangan talablarga jabob bersa, korхonada yagona soliq toʻlovchisi boʻlib qolish imkoniyati boʻladi. Aks holda umumbelgilangan soliqlarni toʻlashga oʻtishi kerak.