Shtat (хodimlar soni) qisqartirilishi munosabati bilan хodim bilan mehnat shartnomasi bekor qilish Mehnat kodeksining 100-moddasi 2-qismi 1-bandiga asosan amalga oshiriladi. Ushbu moddaning 3-qismiga asosan хodim vaqtincha mehnatga qobiliyatsizlik davrida mehnat shartnomasini ish beruvchining tashabbusi bilan bekor qilishga yoʻl qoʻyilmaydi. MKning 102-moddasi 6-qismiga asosan хodimni ogohlantirish muddatiga vaqtincha mehnatga qobiliyatsizlik davri qoʻshilmaydi. Demak, mehnatga layoqatsizlik varaqasi yopilgandan soʻng ogohlantirish muddati davom etadi.

Misol: Ogohlantirish davri 01.03.2020 yilgacha boʻlganda хodim 25.02.2020 yildan 10.03.2020 yilgacha boʻlgan muddatga (15 kun) mehnatga layoqatsizlik varaqasini taqdim qildi. Shunda ogohlantirish muddatining qolgan 5 kuni 15.03.2020 yilda tugaydi. 16.03.2020 yilda хodim bilan mehnat shartnomasi bekor qilinishi mumkin.

Xodim kasal boʻlgan davr, ya’ni mehnatga layoqatsizlik varaqasida koʻrsatilgan kunlar toʻliq toʻlab beriladi.