Штат (ходимлар сони) қисқартирилиши муносабати билан ходим билан меҳнат шартномаси бекор қилиш Меҳнат кодексининг 100-моддаси 2-қисми 1-бандига асосан амалга оширилади. Ушбу модданинг 3-қисмига асосан ходим вақтинча меҳнатга қобилиятсизлик даврида меҳнат шартномасини иш берувчининг ташаббуси билан бекор қилишга йўл қўйилмайди. МКнинг 102-моддаси 6-қисмига асосан ходимни огоҳлантириш муддатига вақтинча меҳнатга қобилиятсизлик даври қўшилмайди. Демак, меҳнатга лаёқатсизлик варақаси ёпилгандан сўнг огоҳлантириш муддати давом этади.

Мисол: Огоҳлантириш даври 01.03.2020 йилгача бўлганда ходим 25.02.2020 йилдан 10.03.2020 йилгача бўлган муддатга (15 кун) меҳнатга лаёқатсизлик варақасини тақдим қилди. Шунда огоҳлантириш муддатининг қолган 5 куни 15.03.2020 йилда тугайди. 16.03.2020 йилда ходим билан меҳнат шартномаси бекор қилиниши мумкин.

Ходим касал бўлган давр, яъни меҳнатга лаёқатсизлик варақасида кўрсатилган кунлар тўлиқ тўлаб берилади.