MKning 105-moddasiga asosan vaqtincha ishga olingan хodim bilan muddatli mehnat shartnomasi muddati tugashi bilan bekor qilinadi, shuningdek ish joyi (lavozimi) saqlanishi lozim boʻlgan (asosiy) хodimning ishda boʻlmagan vaqtiga tuzilgan mehnat shartnomasi shu хodim ishga qaytgan kundan e’tiboran bekor qilinadi. Ushbu modda boʻyicha хodim ta’tillarda (mehnat, bola parvarishlash ta’tillari va h.k.) boʻlgan davrda ham mehnat shartnomasi bekor qilinishi mumkin. Ushbu modda homilador ayollar va 3 yoshga toʻlmagan bolasi bor ayollarga ham tegishli.

MKning 237-moddasiga asosan homilador ayollar va 3 yoshga toʻlmagan bolasi bor ayollar bilan tuzilgan mehnat shartnomasi ularni albatta ishga joylashtirish sharti bilan bekor qilinadi. Mazkur ayollarni ishga joylashtirishni mahalliy mehnat organi ularni ishga joylashtirish davrida qonun hujjatlarida belgilangan tegishli ijtimoiy toʻlovlar bilan ta’minlagan holda amalga oshiradi.

Muddati tugaganligi sababli mehnat shartnomasi bekor qilingandan keyin ishga joylashish kuniga qadar 3 oygacha bu ayollarga oʻrtacha ish haqi saqlanib qoladi.