МКнинг 105-моддасига асосан вақтинча ишга олинган ходим билан муддатли меҳнат шартномаси муддати тугаши билан бекор қилинади, шунингдек иш жойи (лавозими) сақланиши лозим бўлган (асосий) ходимнинг ишда бўлмаган вақтига тузилган меҳнат шартномаси шу ходим ишга қайтган кундан эътиборан бекор қилинади. Ушбу модда бўйича ходим таътилларда (меҳнат, бола парваришлаш таътиллари ва ҳ.к.) бўлган даврда ҳам меҳнат шартномаси бекор қилиниши мумкин. Ушбу модда ҳомиладор аёллар ва 3 ёшга тўлмаган боласи бор аёлларга ҳам тегишли.

МКнинг 237-моддасига асосан ҳомиладор аёллар ва 3 ёшга тўлмаган боласи бор аёллар билан тузилган меҳнат шартномаси уларни албатта ишга жойлаштириш шарти билан бекор қилинади. Мазкур аёлларни ишга жойлаштиришни маҳаллий меҳнат органи уларни ишга жойлаштириш даврида қонун ҳужжатларида белгиланган тегишли ижтимоий тўловлар билан таъминлаган ҳолда амалга оширади.

Муддати тугаганлиги сабабли меҳнат шартномаси бекор қилингандан кейин ишга жойлашиш кунига қадар 3 ойгача бу аёлларга ўртача иш ҳақи сақланиб қолади.