Yagona yer soligʻini toʻlash tartibini qoʻllash uchun soliq toʻlovchi har yili joriy soliq davrining 1 fevraliga qadar soliq boʻyicha hisobga olish joyidagi davlat soliq хizmati organlariga oʻtgan soliq davrida qishloq хoʻjaligi mahsulotini yetishtirish va qayta ishlashning umumiy hajmida qishloq хoʻjaligi mahsulotining oʻzi yetishtirgan va qayta ishlagan ulushi koʻrsatilgan ma’lumotnomani taqdim etgan. Qishloq хoʻjaligi mahsulotini yetishtirish va qayta ishlashning umumiy hajmida qishloq хoʻjaligi mahsulotining oʻzi yetishtirgan va qayta ishlagan ulushini aniqlashda 2007 yil tahriridagi Soliq kodeksi 132-moddasida nazarda tutilgan boshqa daromadlar hisobga olinmagan (2007 tahriridagi SK 363-m. 2-q.).

Kreditorlik qarzini hisobdan chiqarishdan olingan daromadlar 2007 yil tahriridagi Soliq kodeksining 132-moddasiga muvofiq boshqa daromadlar deb tan olingan (2007 tahriridagi SK 132-m. 1-q. 7-b.). Demak, ushbu daromadlar yagona yer soligʻini hisoblashda hisobga olinishi kerak boʻlmagan.

Savolingizda shuningdek kreditorlik qarzini hisobdan chiqarishdan olingan daromad foyda soligʻiga tortilishi kerak boʻlganmi deb soʻrayapsiz. E’tibor bering - yagona yer soligʻi toʻlovchilari foyda soligʻi toʻlamagan (2007 tahriridagi SK 196-m. 2-q.).