Ягона ер солиғини тўлаш тартибини қўллаш учун солиқ тўловчи ҳар йили жорий солиқ даврининг 1 февралига қадар солиқ бўйича ҳисобга олиш жойидаги давлат солиқ хизмати органларига ўтган солиқ даврида қишлоқ хўжалиги маҳсулотини етиштириш ва қайта ишлашнинг умумий ҳажмида қишлоқ хўжалиги маҳсулотининг ўзи етиштирган ва қайта ишлаган улуши кўрсатилган маълумотномани тақдим этган. Қишлоқ хўжалиги маҳсулотини етиштириш ва қайта ишлашнинг умумий ҳажмида қишлоқ хўжалиги маҳсулотининг ўзи етиштирган ва қайта ишлаган улушини аниқлашда 2007 йил таҳриридаги Солиқ кодекси 132-моддасида назарда тутилган бошқа даромадлар ҳисобга олинмаган (2007 таҳриридаги СК 363-м. 2-қ.).

Кредиторлик қарзини ҳисобдан чиқаришдан олинган даромадлар 2007 йил таҳриридаги Солиқ кодексининг 132-моддасига мувофиқ бошқа даромадлар деб тан олинган (2007 таҳриридаги СК 132-м. 1-қ. 7-б.). Демак, ушбу даромадлар ягона ер солиғини ҳисоблашда ҳисобга олиниши керак бўлмаган.

Саволингизда шунингдек кредиторлик қарзини ҳисобдан чиқаришдан олинган даромад фойда солиғига тортилиши керак бўлганми деб сўраяпсиз. Эътибор беринг - ягона ер солиғи тўловчилари фойда солиғи тўламаган (2007 таҳриридаги СК 196-м. 2-қ.).