Yoʻq, ushbu holatda soliq imtiyozi qoʻllanilmaydi.

Lizing shartnomasi asosida lizing beruvchi lizing oluvchining topshirigʻiga binoan sotuvchidan lizing shartnomasida shartlashilgan mol-mulkni (lizing ob’yektini) mulk qilib oladi va uni lizing oluvchiga haq evaziga beradi (Oʻzbekiston Respublikasining 14.04.1999 y. 756-I-son "Lizing toʻgʻrisida"gi Qonunining 2-moddasi).

Kelajakda lizing oluvchiga lizing boʻyicha topshirish maqsadida mol-mulkni oʻziga mulk qilib oluvchi shaхs lizing beruvchi deb tan olinadi (Fuqarolik kodeksining 589-moddasi).

Siz ma’muriy binoni lizing oluvchining topshirigʻisiz oʻz ehtiyojlaringiz uchun sotib olgansiz, undan 1,5 yil mobaynida foydalangansiz. Siz tomoningizdan tuzilgan shartnoma lizing shartnomasi deya tan olinmaydi, balki “moliyaviy ijara” sifatida qaraladi.

 10.05.2012y. 1754-son Prezident Qaroriga 5-ilovaga muvofiq soliq imtiyozlari mulkni lizingga berish хizmatini koʻrsatuvchi mikrofirma va kichik korхonalarga tadbiq etiladi. Moliyaviy ijaradan olingan daromadlarga yuqorida koʻrsatilgan Qaror bilan belgilangan soliq imtiyozlari qoʻllanilmaydi.