Йўқ, ушбу ҳолатда солиқ имтиёзи қўлланилмайди.

Лизинг шартномаси асосида лизинг берувчи лизинг олувчининг топшириғига биноан сотувчидан лизинг шартномасида шартлашилган мол-мулкни (лизинг объектини) мулк қилиб олади ва уни лизинг олувчига ҳақ эвазига беради (Ўзбекистон Республикасининг 14.04.1999 й. 756-I-сон "Лизинг тўғрисида"ги Қонунининг 2-моддаси).

Келажакда лизинг олувчига лизинг бўйича топшириш мақсадида мол-мулкни ўзига мулк қилиб олувчи шахс лизинг берувчи деб тан олинади (Фуқаролик кодексининг 589-моддаси).

Сиз маъмурий бинони лизинг олувчининг топшириғисиз ўз эҳтиёжларингиз учун сотиб олгансиз, ундан 1,5 йил мобайнида фойдалангансиз. Сиз томонингиздан тузилган шартнома лизинг шартномаси дея тан олинмайди, балки “молиявий ижара” сифатида қаралади.

 10.05.2012й. 1754-сон Президент Қарорига 5-иловага мувофиқ солиқ имтиёзлари мулкни лизингга бериш хизматини кўрсатувчи микрофирма ва кичик корхоналарга тадбиқ этилади. Молиявий ижарадан олинган даромадларга юқорида кўрсатилган Қарор билан белгиланган солиқ имтиёзлари қўлланилмайди.