Yoʻq, ijaraga oluvchi korхona ijaraga olingan binoning yer maydoni uchun yer soligʻini toʻlamaydi.
Koʻchmas mulkni ijaraga berishda uni maydoni uchun yer soligʻini toʻlovchisi boʻlib ijaraga beruvchi hisoblanadi (SK 279-moddasi 2-qismi).
Ammo, siz bergan ma’lumotga koʻra, ijaraga beruvchi YaST toʻlovchisidir. YaST soliq solishning soddalashtirilgan tartibiga kiradi (SK 23-moddasi 5-qismi). Soliq solishning soddalashtirilgan tartibi tadbiq qilinuvchi yuridik shaхslar esa yer soligʻi toʻlovchilari hisoblanishmaydi (SK 279-moddasi 4-qismi).
Yuqoridagilardan kelib chiqib, ushbu holatda ijaraga oluvchi yer soligʻini toʻlamaydi, chunki yer soligʻini toʻlash majburiyati soliq qonunchiligiga koʻra uni toʻlash ijaraga beruvchining majburiyatidir. Ijaraga beruvchi ham oʻz navbatida yer soligʻini toʻlamaydi, chunki u umumbelgilangan soliq va boshqa majburiy toʻlovlar oʻrniga YaSTni toʻlaydi (SK 348-moddasi 3-qismi).
Javoblar ular e’lon qilingan sanada dolzarb hisoblanadi.