Йўқ, ижарага олувчи корхона ижарага олинган бинонинг ер майдони учун ер солиғини тўламайди.
Кўчмас мулкни ижарага беришда уни майдони учун ер солиғини тўловчиси бўлиб ижарага берувчи ҳисобланади (СК 279-моддаси 2-қисми).
Аммо, сиз берган маълумотга кўра, ижарага берувчи ЯСТ тўловчисидир. ЯСТ солиқ солишнинг соддалаштирилган тартибига киради (СК 23-моддаси 5-қисми). Солиқ солишнинг соддалаштирилган тартиби тадбиқ қилинувчи юридик шахслар эса ер солиғи тўловчилари ҳисобланишмайди (СК 279-моддаси 4-қисми).
Юқоридагилардан келиб чиқиб, ушбу ҳолатда ижарага олувчи ер солиғини тўламайди, чунки ер солиғини тўлаш мажбурияти солиқ қонунчилигига кўра уни тўлаш ижарага берувчининг мажбуриятидир. Ижарага берувчи ҳам ўз навбатида ер солиғини тўламайди, чунки у умумбелгиланган солиқ ва бошқа мажбурий тўловлар ўрнига ЯСТни тўлайди (СК 348-моддаси 3-қисми).
Жавоблар улар эълон қилинган санада долзарб ҳисобланади.