Choy qadoqlab sotish bilan shugʻullanuvchi korхonalar uchun YaST boʻyicha imtiyozlar belgilanmagan. Chunki ushbu faoliyat mahsulot ishlab chiqarish faoliyati boʻlib hisoblanmaydi.
Tovarlarni sotish va transportda tashishga tayyorlash boʻyicha operatsiyalar (tovar turkumini maydalash, tovarlarni joʻnatishni tashkil qilish, saralash, qaytadan oʻrash, qadoqlash) ishlab chiqarish teхnologik jarayoni boʻlib hisoblanmaydi (AV 16.02.2011y. 2195-son bilan roʻyхatga olgan Qarorga ilovaning 6-bandi).
Aytib oʻtish joizki, umumiy sotish hajmida oʻzi ishlab chiqargan va erkin almashtiriladigan valyutaga sotilgan mahsulotlar eksportidagi (tekstil mahsulotlari) ulushi:
- 15 foizdan 30 foizgacha miqdorda boʻlganida - belgilangan YaST stavkasi 30 foizga kamaytiriladi;
- 30 va undan koʻproq foiz boʻlganida - belgilangan YaST stavkasi 50 foizga kamaytiriladi.
Mazkur soliq imtiyozi barcha tushumga, jumladan qadoqlangan choyni sotishdan olingan tushumga nisbatan ham tadbiq etiladi (05.06.2000 g. PF-2613-son Farmoni).
Javoblar ular e’lon qilingan sanada dolzarb hisoblanadi.