Чой қадоқлаб сотиш билан шуғулланувчи корхоналар учун ЯСТ бўйича имтиёзлар белгиланмаган. Чунки ушбу фаолият маҳсулот ишлаб чиқариш фаолияти бўлиб ҳисобланмайди.
Товарларни сотиш ва транспортда ташишга тайёрлаш бўйича операциялар (товар туркумини майдалаш, товарларни жўнатишни ташкил қилиш, саралаш, қайтадан ўраш, қадоқлаш) ишлаб чиқариш технологик жараёни бўлиб ҳисобланмайди (АВ 16.02.2011й. 2195-сон билан рўйхатга олган Қарорга илованинг 6-банди).
Айтиб ўтиш жоизки, умумий сотиш ҳажмида ўзи ишлаб чиқарган ва эркин алмаштириладиган валютага сотилган маҳсулотлар экспортидаги (текстиль маҳсулотлари) улуши:
- 15 фоиздан 30 фоизгача миқдорда бўлганида - белгиланган ЯСТ ставкаси 30 фоизга камайтирилади;
- 30 ва ундан кўпроқ фоиз бўлганида - белгиланган ЯСТ ставкаси 50 фоизга камайтирилади.
Мазкур солиқ имтиёзи барча тушумга, жумладан қадоқланган чойни сотишдан олинган тушумга нисбатан ҳам тадбиқ этилади (05.06.2000 г. ПФ-2613-сон Фармони).
Жавоблар улар эълон қилинган санада долзарб ҳисобланади.