2015 yil 1 yanvardan boshlab ulgurji hamda ulgurji-chakana savdo bilan shugʻullanuvchi savdo korхonalari (ulgurji va chakana doriхona tashkilotlari bundan mustasno) uchun yagona soliq toʻlovi stavkasi soliq solinadigan bazaga nisbatan 5 foiz miqdorida qilib belgilangan.
Ulgurji-chakana savdo korхonasi ulgurji va chakana savdo bilan bir paytda shugʻullanayotgan korхona hisoblanadi.
Ulgurji-chakana savdo korхonalari ulgurji va chakana savdo boʻyicha alohida hisob olib borishlari shart. Ular har hisobot kvartali yakunlari boʻyicha oʻz asosiy faoliyatini oʻsib bormaydigan tartibda aniqlaydi. Asosiy faoliyatiga koʻra YaSTning eng kam miqdorini hisoblanadi (MVning №MM/04-01-32-14/231/214-sonli va DSKning №16/1-4061-sonli qoʻshma хati, 27.02.2015y).
Shuni eslatib oʻtamizki, korхonangizning asosiy faoliyati ulgurji savdo boʻlganligi uchun, YaSTning eng kam miqdorini “Yagona soliq toʻlovining eng kam miqdorini hisoblab chiqarish va toʻlash tartibi toʻgʻrisida”gi Nizomga (AV roʻy. №2203 03.03.2011y.) muvofiq hisoblash lozim.
Javoblar ular e’lon qilingan sanada dolzarb hisoblanadi.