2015 йил 1 январдан бошлаб улгуржи ҳамда улгуржи-чакана савдо билан шуғулланувчи савдо корхоналари (улгуржи ва чакана дорихона ташкилотлари бундан мустасно) учун ягона солиқ тўлови ставкаси солиқ солинадиган базага нисбатан 5 фоиз миқдорида қилиб белгиланган.
Улгуржи-чакана савдо корхонаси улгуржи ва чакана савдо билан бир пайтда шуғулланаётган корхона ҳисобланади.
Улгуржи-чакана савдо корхоналари улгуржи ва чакана савдо бўйича алоҳида ҳисоб олиб боришлари шарт. Улар ҳар ҳисобот квартали якунлари бўйича ўз асосий фаолиятини ўсиб бормайдиган тартибда аниқлайди. Асосий фаолиятига кўра ЯСТнинг энг кам миқдорини ҳисобланади (МВнинг №ММ/04-01-32-14/231/214-сонли ва ДСКнинг №16/1-4061-сонли қўшма хати, 27.02.2015й).
Шуни эслатиб ўтамизки, корхонангизнинг асосий фаолияти улгуржи савдо бўлганлиги учун, ЯСТнинг энг кам миқдорини “Ягона солиқ тўловининг энг кам миқдорини ҳисоблаб чиқариш ва тўлаш тартиби тўғрисида”ги Низомга (АВ рўй. №2203 03.03.2011й.) мувофиқ ҳисоблаш лозим.
Жавоблар улар эълон қилинган санада долзарб ҳисобланади.