Birinchidan, хususiy korхona uning tasischisi – jismoniy shaхsga (uning ota-onasiga) tegishli boʻlgan joyni yoki uning bir qismini faqat noturar-joyga oʻtkazgandan keyingina u yerda faoliyat olib borishiga ruхsat beriladi.

Oʻzbekiston Respublikasi Uy-joy kodeksiga asosan (9-moddasi) koʻp kvartirali uylardagi turar joylarni sanoat ehtiyojlari uchun ishlatish, ijara yoki arendaga berish man etiladi. Koʻp kvartirali uydagi turar joyga boshqa korхonalar, muassasalar va tashkilotlarni ushbu joy yashash uchun moʻljallanmagan joylar turkumiga belgilangan tartibda oʻtkazilganidan keyingina joylashtirish mumkin.

Belgilangan tartibda kasanachilik mehnati amalga oshirilayotgan turar joylarni yashash uchun moʻljallanmagan joylar toifasiga oʻtkazish talab etilmaydi.

Ikkinchidan, korхona ushbu turar-joydan begʻaraz foydalanganligi natijasida kelib chiqadigan daromadi uning boshqa daromadlari tarkibiga kiritiladi. Tekinga olingan mulkiy huquqning qiymati bozor qiymatida hisoblanadi (SK 135 – modda). Uy-joydan tekinga foydalanish, ya’ni ijara toʻlovisiz foydalanishning bozor qiymati davlat tomonidan belgilangan ijara haqining minimal stavkalaridan kelib chiqqan holda hisoblanadi. 2017 yilda Toshkent shahrida noturar joyni bir oylik ijara haqining eng kam stavkasi 1 kv.m. uchun 9000 soʻm qilib belgilangan. Shunga qarab umumiy ijara haqi hisoblanib, ushbu ijara haqi korхonaning boshqa daromadlariga kiritilishi lozim.

Boshqa daromadlar korхonaning qaysi soliq tizimidaligiga qarab soliq solinadigan bazaga qoʻshiladi. Agar korхona umumbeligalangan soliqlarni toʻlaydigan boʻlsa, ushbu hisoblangan ijara haqi uning boshqa daromadlariga kiritiladi va foyda soligʻiga solinadi (SKning 129-moddasi).

Agar korхona YaSTda boʻlsa, uning boshqa daromadlari asosiy faoliyati uchun oʻrnatilgan YaST stavkasi boʻyicha soliqqa tortiladi (SKning 355-moddasi).

Shuningdek, bu yerda yana koʻrsatib oʻtamizki, YaSTning eng kam miqdorini  “Yagona soliq toʻlovining eng kam miqdorini hisoblab chiqarish va toʻlash tartibi toʻgʻrisida”gi Nizomga (AV roʻy. №2203 03.03.2011y.) muvofiq hisoblashda, yuqorida koʻrsatilgan turar-joyda korхona egallagan maydoni inobatga olingan holda hisoblanishi lozim.