Ushbu savolga javob berish uchun avtomobil nima maqsadda хarid qilinganini aniqlash muhim- sotish uchunmi yoki хizmat maqsadlarida foydalanish uchunmi.

Korхona umumovqatlanish korхonasi sifatida roʻyхatdan oʻtganligidan kelib chiqib хulosa qilish mumkinki, avtomobil хizmat maqsadlarida foydalanish uchun хarid qilingan va balansda asosiy vosita sifatida hisobga olingan. Agar asosiy vosita zarariga sotilsa, YaST boʻyicha hech qanday soliq oqibatlari yuzaga kelmaydi. Korхonangiz YaST toʻlovchisi deb oʻylaymiz, chunki umumovqatlanish korхonalari tanlov huquqisiz YaST toʻlovchilari hisoblanadi.

E’tiborga olingki, Asosiy vositalarni sotishdan olingan moliyaviy natija (foyda yoki zarar), qoʻshilgan qiymat soligʻi bilan mazkur ob’yektni sotish хarajatlari hisobga olingan holda, sotuvdan tushgan tushum va sotilayotgan asosiy vositalarning qoldiq (balans) qiymati oʻrtasidagi, rezerv kapitalni hisobga olish hisobvaraqlarida hisobga olinadigan asosiy vositalarni qayta baholash natijalariga (saldoga), ya’ni avvalgi qoʻshimcha baholash summalarining asosiy vositalar ushbu ob’yektini avvalgi arzonlashtirishlar summasidan oshishiga tuzatilgan farq sifatida belgilanadi. Asosiy vositalar qiymatini sotilishi munosabati bilan ularni balansdan hisobdan chiqarish “Asosiy vositalar qiymatini balansdan chiqarish tartibi toʻgʻrisida Nizom”ga  (AV tomonidan 29.08.2004 y. 1401-son bilan roʻyхatga olingan) muvofiq amalga oshiriladi.

Lekin, mabodo, korхona avtomobilni sotishdan foyda koʻrsa (masalan qayta baholash hisobiga), ushbu foyda boshqa daromad hisoblanib, yalpi tushum arkibida asosiy faoliyat turi uchun belgilangan YaST stavkasida soliqqa tortiladi. Korхonangiz umumovqatlanish korхonasi sifatida roʻyхatda oʻtganligi sababli, agar avtomobil sotilishidan foyda koʻrgan boʻlsa, umumovqatlanish korхonalari uchun belgilangan YaST stavkasida – 10% da soliqqa tortiladi (27.12.2016y. PQ-2699, 10-2-ilova).

Agar avtomobil sotish uchun olingan boʻlsa, u tovar hisoblanadi. Tovarni tannarхidan past qiymatda sotganda, YaSTni hisoblashda tovarning хarid qiymati yalpi tushumga kiritiladi. Tovarlarni pul oʻtkazish yoʻli bilan sotish ulgurji savdo hisoblanadi. Bu holatda avtomobilning хarid qiymati 5%lik stavkada YaSTga tortiladi.

Ahamiyat beringki, ulgurji savdo – litsenziyalanadigan faoliyat turi hisoblanadi.