YaSTning eng kam miqdorini hisoblab chiqarish tartibi Nizomda (AVda 03.03.2011y. 2203-son bilan roʻyхatdan olingan) belgilangan. Hisob - kitobda yer soligʻining 3 baravar summasi hamda pasaytiruvchi koeffitsiyentlar hisobga olinadi.

Yagona soliq toʻlovi eng kam miqdorining ma’lumotnoma-hisob-kitobini toʻldirishda qoʻllaniladigan pasaytiruvchi koeffitsiyentlar Nizomning 1-ilovasida keltirilgan. Ular korхonaning amalga oshirayotgan faoliyat turiga hamda joylashgan yeriga bogʻliq holda qoʻllaniladi.

Agar korхonangiz ushbu ilovada keltirilgan roʻyхatdagi faoliyat turlaridan birontasi bilan shugʻullansa, va ushbu faoliyat turi korхonaning asosiy faoliyati hisoblansa, tegishli pasaytiruvchi koeffitsiyentni qoʻllashi va uni YaSTning eng kam miqdorining ma’lumotnoma-hisob-kitobida aks ettirishi mumkin.

Amalga oshirayotgan faoliyat turidan qat’i nazar, borish qiyin boʻlgan va togʻli hududlarda joylashgan tashkilotlar uchun pasaytiruvchi koeffitsiyent 0,7 ga teng.

Namangan shahri borish qiyin boʻlmagan joy yoki togʻli hududda joylashmaganligini inobatga olib joylashgan joyi boʻyicha korхonangiz ushbu pasaytiruvchi koeffitsiyentni qoʻllay olmaydi.