ЯСТнинг энг кам миқдорини ҳисоблаб чиқариш тартиби Низомда (АВда 03.03.2011й. 2203-сон билан рўйхатдан олинган) белгиланган. Ҳисоб - китобда ер солиғининг 3 баравар суммаси ҳамда пасайтирувчи коэффициентлар ҳисобга олинади.
Ягона солиқ тўлови энг кам миқдорининг маълумотнома-ҳисоб-китобини тўлдиришда қўлланиладиган пасайтирувчи коэффициентлар Низомнинг 1-иловасида келтирилган. Улар корхонанинг амалга ошираётган фаолият турига ҳамда жойлашган ерига боғлиқ ҳолда қўлланилади.
Агар корхонангиз ушбу иловада келтирилган рўйхатдаги фаолият турларидан биронтаси билан шуғулланса, ва ушбу фаолият тури корхонанинг асосий фаолияти ҳисобланса, тегишли пасайтирувчи коэффициентни қўллаши ва уни ЯСТнинг энг кам миқдорининг маълумотнома-ҳисоб-китобида акс эттириши мумкин.
Амалга ошираётган фаолият туридан қатъи назар, бориш қийин бўлган ва тоғли ҳудудларда жойлашган ташкилотлар учун пасайтирувчи коэффициент 0,7 га тенг.
Наманган шаҳри бориш қийин бўлмаган жой ёки тоғли ҳудудда жойлашмаганлигини инобатга олиб жойлашган жойи бўйича корхонангиз ушбу пасайтирувчи коэффициентни қўллай олмайди.
Жавоблар улар эълон қилинган санада долзарб ҳисобланади.