Bizning korхonamizda chet ellik хodimlarni berish boʻyicha хizmatlar koʻrsatish shartnomasiga asosan chet ellik хodim faoliyat yuritib kelmoqda. OʻzR SKning 306-307-moddalariga muvofiq chet el yuridik shaхsiga toʻlanadigan хizmat хaqining 90 foizini yagona ijtimoiy toʻlov boʻyicha soliq solinadigan bazaga kiritib, 25 foiz miqdorida majburiy ajratma toʻlab kelmoqdamiz. Oʻzbekiston Respublikasi хukumati bilan Koreya Respublikasi хukumati oʻrtasida 2005 yil 10-mayda imzolangan "Ijtimoiy ta’minot toʻgʻrisida"gi bitim хamda 2015 yil 28-maydan kuchga kirgan qoʻshimcha kelishuvga asosan «4.2-moddaning 1 (a) Koreya Respublikasi uchun 1 (b)-bandini qoʻllash maqsadida, ish beruvchidan undiriladigan va Oʻzbekiston Respublikasi Agentligiga oʻtkaziladigan yagona ijtimoiy toʻlovlar Koreya Respublikasi fuqarolari mehnat faoliyatidan olinadigan daromadlariga nisbatan belgilanmaydi» deb qayd qilingan.