Дарҳақиқат, Ўзбекистон Республикаси Ҳукумати Билан Корея Республикаси Ҳукумати ўртасида “Ижтимоий таъминот тўғрисида”ги Битим (Президентнинг 09.01.2006й. ПҚ-254-сон қарори билан тасдиқланган, кейинги ўринларда – Битим) қабул қилинган, ва 2015 йил 28 майда унга ўзгартиришлар киритилган.

Киритилган ўзгартиришларга мувофиқ, иш берувчидан ундириладиган ва Ўзбекистон Республикаси Агентлигига ўтказиладиган ягона ижтимоий тўловлар Корея Республикаси фуқаролари меҳнат фаолиятидан олинадиган даромадларига нисбатан белгиланмайди. Мазкур ўзгартиш у кучга киргунга қадар белгиланган, аммо тўланмаган ягона ижтимоий тўловларга нисбатан ҳам қўлланилади (Битимнинг 2-моддаси Ўзбекистон Республикаси Ҳукумати билан Корея Республикаси Ҳукумати ўртасида 2015 йил 28 майдаги нотага асосан ушбу 4-банд билан тўлдирилган).

Агар Ўзбекистон Республикасининг халқаро шартномасида Ўзбекистон Республикасининг солиқ тўғрисидаги қонун ҳужжатларида назарда тутилганидан бошқача қоидалар белгиланган бўлса, халқаро шартнома қоидалари қўлланилади (СКнинг 4-моддаси).

Шунга кўра, Корея Республикаси фуқаролари меҳнат фаолиятидан олинадиган даромадларига нисбатан ягона ижтимоий тўловлар ҳисобланмайди ва тўланмайди.