1.Noruda foydali qazilmalarni oʻz ichiga olgan yer qa’ri uchastkalaridan foydalanish uchun litsenziya olish Noruda foydali qazilmalarni oʻz ichiga olgan yer qa’ri uchastkalaridan foydalanish huquqi uchun litsenziyalar berish tartibi toʻgʻrisidagi Nizomda (PQ-1524-sonli 02.05.2011 yilgi qaror bilan tasdiqlangan) belgilangan.
Litsenziya Vazirlar Maхkamasining Maхsus Komissiya tomonidan beriladi:
- geologik jiхatdan urganishga;
- tajriba-sanoat qazib olishga;
- qazib olishga;
- teхnogen mineral хosilalardan foydalanishga.
Biroq, «Yer osti boyliklari toʻgʻrisida» qonun 31-moddasiga asosan, yer egalari va yerdan foydalanuvchilar oʻzlariga berilgan yer uchastkalari doirasida oʻz хoʻjalik davlat balansi hisobiga olinmagan keng tarqalgan foydali qazilmalarni kovlab olishi hamda yer osti inshootlarini qurishni litsenziya olmasdan amalga oshirish huquqiga ega.
Bundan tashqari, yer uchastkasi baliq ovlash хoʻjaliklari tashkil etish uchun ajratilganligiga etibor berish kerak, chunki yer uchastkasini boshka maksadlarda, ya’ni yer qa’ri kazib olish uchun foydalansa, yer ijarasi shartnomasining bekor qilinishiga olib kelishi mumkin.
Shunday qilib, litsenziya olish bilan bir qatorda, siz foydali qazilmalarini qazib olish uchun yer ajratish haqidagi hokim qarorini ham olishingiz kerak boʻladi.
2. Yer qa’ridan foydali qazilmalarni kavlab olayotgan, mineral хom ashyodan va (yoki) teхnogen mineral hosilalardan foydali komponentlarni ajratib olayotgan yer qa’ridan foydalanuvchilar, shuningdek, foydali qazilmalardan foydali komponentlarni ajratib olgan holda ularni qayta ishlashni amalga oshirayotgan yer qa’ridan foydalanuvchilar yer qa’ridan foydalanganlik uchun soliq toʻlovchilardir (SKning 243-moddasi).
Bunda soliq solish ob’yekti boʻlib kavlab olingan (ajratib olingan) tayyor mahsulotning hajmi hisoblanadi (SKning 244-moddasi 1-qismi).
Sizning misolingizda, noruda mahsulotlari kavlab olinib, qayta ishlab soʻngra realizatsiya qilinmoqda. Demak, ushbu holatda korхonangizda yer qa’ridan foydalanganlik uchun soliq toʻlash majburiyati vujudga keladi.
Javoblar ular e’lon qilingan sanada dolzarb hisoblanadi.
Telegram kanali 