Savolning ID si: 9563
Yagona soliq toʻlovchi korхona 27 sentyabr 2017 yildan "Oʻzbekiston yoshlar ittifoqi" tuman kengashi bilan shartnoma imzoladi. Shartnomaga asosan yagona soliq toʻlovidan 8% Yoshlar ittifoqiga oʻtkazib berish majburiyatini olmoqda.
"Oʻzbekiston yoshlar ittifoqi" tuman kengashiga 8% ajratma 3-chorakdagi yagona soliq toʻlovidan ajratiladimi yoki 27 sentyabrdan boshlab kelib tushgan tushumdan mos ravishda ajratiladimi?
Ekspertlarning javoblari:
Kichik biznes korхonalari tomonidan toʻlanadigan yagona soliq toʻlovi uchun hisoblangan summaning 8 foizini Oʻzbekiston yoshlar ittifoqining rivojlantirish jamgʻarmasiga 2018 yilning 1 yanvaridan boshlab oʻtkaziladi (05.07.2017y. PF-5106-son Farmonning 13-bandi).
Oʻzbekiston yoshlar ittifoqi 2017 yil 30 iyun kuni tashkil etildi. Shu sanadan keyin mazkur Farmon ijrosini ta’minlash maqsadida kichik biznes sub’yektlari boʻlgan korхonalar bilan ushbu jamgʻarmaga ajratmalar oʻtkazish haqida shartnomalar tuzila boshlandi. Shartnoma tuzilgan sanadan qat’iy nazar jamgʻarmaga ajratmalar 2018 yilning 1 yanvaridan boshlab oʻtkaziladi.
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Javoblar ular e’lon qilingan sanada dolzarb hisoblanadi.
Telegram kanali 