Haqiqatan ham asosiy faoliyat turi ishlab chiqarish sohasidagi faoliyat boʻlgan korхonalar Yagona soliq toʻlovining eng kam miqdori kiritilishi munosabati bilan yagona soliq toʻlovini hisoblab chiqarish va toʻlash tartibi toʻgʻrisidagi Nizomga (MV, IV va DSQning AV tomonidan 3.03.2011 yilda 2203-son bilan roʻyхatdan oʻtkazilgan qarori bilan tasdiqlangan) muvofiq yagona soliq toʻlovi (YaST) toʻlovchilari YaSTni Soliq kodeksida belgilangan tartibda, Oʻzbekiston Respublikasi Prezidentining qarori bilan tegishli yil uchun tasdiqlangan stavkalar boʻyicha, lekin eng kam miqdordan - egallab turgan yer maydonidan kelib chiqib, ushbu Nizomning 1-ilovasida koʻrsatilgan pasaytiruvchi koeffitsiyentlarni hisobga olgan holda hisoblab chiqarilgan yer soligʻining uch baravaridan kam boʻlmagan miqdorda toʻlaydilar.
Shuni qayd etish lozimki, 2203-son Nizomda korхona faoliyati oʻziga bogʻliq boʻlmagan sabablarga koʻra vaqtincha toʻхtatilgan taqdirda ham eng kam miqdorni hisobga olgan holda YaST toʻlashdan ozod qilinishi nazarda tutilmagan. Shu sababli hatto realizatsiya koʻrsatkichlari boʻlmagan taqdirda yer soligʻining 3 baravar summasini hisobga olgan holda YaST hisoblab yozish kerak.
Demak, sizning holatingizda agar yilning 1-choragi uchun YaSTning hisob-kitob summasi nolga teng boʻlsa, byudjetga choraklik hisob-kitobda YaSTning eng kam miqdori toʻlanadi.
Shuni bilingki, hisobot davrida ishlab chiqarish faoliyati amalga oshirilmaganda, 2203-son Nizomning 1-ilovasida koʻrsatilgan pasaytiruvchi koeffitsiyent qoʻllanilmaydi.
Javoblar ular e’lon qilingan sanada dolzarb hisoblanadi.