Президент фармонига (№ПФ-270) асосан таътилларга қандай тузатиш киритилади

27.12.2022

Қайси дам олиш кунлари таътил кунлари ҳисоб-китобига киритилгани ва ПФ-270-сон фармон чиққунига қадар расмийлаштирилган ҳамда 2022 йил декабрдан 2023 йил январга ўтадиган таътилларга қандай тузатиш киритишни   «Норма» эксперти Валерия ЛЯНДРЕС тушунтирди:

 

– Амалдаги Меҳнат кодексининг 131-моддаси ва ПФ-35-сон ҳамда ПФ-270-сонга мувофиқ бундай таътилларнинг давомийлиги ҳисоб-китобига қуйидагилар киритилмайди: 

  • барча иш ҳафтаси режимлари учун - 1 январь (байрам куни), 2 январь (қўшимча ишланмайдиган кун);
  • 6 кунлик иш ҳафтаси режимида ишлайдиганлар учун - 2022 йилнинг 31 декабри ва 2023 йилнинг 3 январи.

2023 йил 3 январь 5 кунлик иш ҳафтаси учун таътил кунлари ҳисоб-китобига киритилган, чунки у 7 январь, шанба кунидан ўтказилган, барча иш режимлари учун таътиллар 6 кунлик иш ҳафтаси юзасидан календарь бўйича иш кунлари билан ҳисоблаб чиқарилади

 

ПФ-270-сон чиққунга қадар ходимларга таътиллар тақдим қилаётганда уларнинг давомийлигига қуйидаги кунлар киритилмаслигини аллақачон билар эдик: 

  • 31 декабрь – фақат 6 кунлик иш ҳафтаси учун, ПФ-35-сон бўйича қўшимча ишланмайдиган кун;
  • 1 январь – амалдаги МКнинг 131-моддаси бўйича байрам куни.

Тегишинча, энди бу кунларни иш режимидан келиб чиқиб таътил давомийлиги ҳисоб-китобига киритмаганмиз.

Энди – 23.12. 2022 й. ПФ-270-сон чиққандан кейин – ходимларнинг таътилдан чиқиш саналарини ўзгартириш билан вақтни ҳисобга олиш табелига тузатиш киритиш тўғрисида буйруқ чиқаринг:

  • 5 кунлик иш ҳафтасида – 2023 йил 2 январда дам олиш ҳисобига 1 иш кунига кечроқ;
  • 6 кунлик иш ҳафтасида - 2023 йил 2 ва 3 январь кунлари дам олиш ҳисобига 2 иш кунига кечроқ.

 

 

Чтобы получать новости от Kadrovik.uz первыми, подписывайтесь на Telegram-канал