Май ойида ҳар бир ходим учун фойдали бўлади:
20 май куни Президент Қурбон ҳайитини нишонлаш санасини расман тасдиқловчи қарорни имзолади. Байрамга қўшимча дам олиш кунлари 2025 йил декабрь ойида 24.12.2025 йилдаги ПФ-257-сон Фармон билан белгиланган эди. Kadrovik.uz мақоласида – ходимларга неча кун дам олиш куни берилиши ва байрам таътилни ҳисоблашга қандай таъсир кўрсатишини батафсил кўриб чиқдик.
2026 йилда Қурбон ҳайити қачон нишонланади
Қурбон ҳайити (Ийд ал-Адҳа) 2026 йил 27 май чоршанба кунига тўғри келади. Ушбу сана, Ўзбекистон мусулмонлари идорасининг маълумотларини инобатга олган ҳолда, Президентнинг 2026 йил 20 майдаги ПҚ-194-сон Қарори билан тасдиқланган. Байрам муносабати билан қўшимча ишланмайдиган кунлар Президентнинг 2025 йил 24 декабрдаги ПФ-257-сон фармонида белгиланган.
Маълумот учун
МКнинг 208-моддасига кўра, Қурбон ҳайитининг биринчи куни – байрам ва ишланмайдиган кун ҳисобланади.
2026 йилда Қурбон ҳайитида неча кун дам оламиз
Байрамга қўшимча ишланмайдиган кунлар Президентнинг 24.12.2025 йилдаги ПҚ-257-сон Фармони билан олдиндан тасдиқланган. Ҳужжатга мувофиқ, 28 май пайшанба ва 29 май жума кунлари барча ходимлар учун қўшимча дам олиш куни, 6 кунлик иш ҳафтасида ишлайдиганлар учун эса 30 май ҳам қўшимча дам олиш куни деб эълон қилинди. Байрам куни, қўшимча дам олиш кунлари ва белгиланган дам олиш кунларини бирлаштириш туфайли, ходимлар қисқа муддатли таътилга чиқишади.Дам олиш тартиби беш кунлик иш ҳафтасида ишлайдиганлар учун ҳам, олти кунлик иш ҳафтасида ишлайдиганлар учун ҳам бир хил:
- 26 май (сешанба) – байрам арафасидаги 1 соатга қисқартирилган иш куни;
- 27 май (чоршанба) – Қурбон ҳайити, расмий байрам куни;
- 28 май (пайшанба) – барча ходимлар учун қўшимча дам олиш куни;
- 29 май (жума) – барча ходимлар учун қўшимча дам олиш куни;
- 30 май (шанба) – календарь дам олиш куни (5 кунлик иш ҳафтасида ишлайдиганлар учун) / қўшимча дам олиш куни (6 кунлик иш ҳафтасида ишлайдиганлар учун);
- 31 май (якшанба) – календарь дам олиш куни.
Хулоса: Барча ходимлар 27 майдан 31 майгача кетма-кет 5 кун дам олишади.
Kadrovik.uz тавсия қилади
Қурбон ҳайити таътилга қандай таъсир қилади
Агар ходимнинг меҳнат таътили 27 майдан 31 майгача бўлган даврга тўғри келса, мутахассисларда қайси кунларни таътилга киритиш ва қайси кунлар учун ҳақ тўлаш кераклиги борасида «таътил бошқотирмаси» пайдо бўлади. Буни аниқ мисолда кўриб чиқамиз.
Таътилга қайси байрам кунлари киритилади
МКнинг 221-моддасига биноан, ишланмайдиган байрам кунлари йиллик меҳнат таътилининг давомийлигига киритилмайди. Шунинг учун:
- 27 май – ишланмайдиган байрам куни → таътилга киритилмайди;
- 28, 29, 30 май (5 кунлик иш ҳафтасида ишлайдиганлар учун календарь дам олиш куни) – қўшимча дам олиш кунлари → таътилга киритилади, чунки улар байрам эмас, балки дам олиш кунлари бўлиб қолади.
Муҳим
Қўшимча дам олиш куни ўзининг ҳуқуқий табиатини ўзгартирмайди: у байрам куни эмас, балки дам олиш куни бўлиб қолади.
Қайси кунлар учун ҳақ тўланади
МКнинг 233-моддасида белгиланишича, йиллик меҳнат таътилига ҳақ тўлашда якшанба ҳисобга олинмайди. Буни 14.11.2024 йилдаги 758-сон ВМҚга 5-илованинг 8-банди ҳам аниқлаштиради. Бундан келиб чиқадики:
- тўловдан фақат якшанба ва 27 май (байрам) чиқариб ташланади;
- қўшимча дам олиш кунлари ва шанба кунлари учун ҳақ тўланади.
Мисолда кўриб чиқамиз
Ходимга 2026 йил 25 майдан бошлаб 14 календарь кунлик йиллик меҳнат таътили берилди (5 кунлик иш ҳафтаси).
|
Сана |
Включается в отпуск |
Оплачивается |
|
25, 26 май |
✔ |
✔ |
|
27 май (чоршанба, байрам) |
✖ |
✖ |
|
28, 29 май (қўшимча дам олиш кунлари) |
✔ |
✔ |
|
30 май (6 кунлик иш ҳафтасида ишлайдиганлар учун қўшимча дам олиш куни, 5 кунлик иш ҳафтасида ишлайдиганлар учун календарь дам олиш куни) |
✔ |
✔ |
|
31 май (якшанба) |
✔ |
✖ |
|
1-6 июнь |
✔ |
✔ |
|
7 июнь (якшанба) |
✔ |
✖ |
|
8 июнь |
✔ |
✔ |
Жами: 14 календарь кундан иборат таътил куни. Таътилнинг сўнгги куни – 8 июнь, ишга чиқиш – 9 июнь. Тўловдан байрам ва иккита якшанба – 27 май, 31 май ва 7 июнни чиқариб ташлаймиз. Таътилнинг 12 куни учун ҳақ тўлаймиз.
Эслаб қолиш керак:
- таътил кунлари ҳисобидан чиқарилади ва ҳақ тўланмайди: 27 май – ишланмайдиган байрам куни;
- таътилга киритилади ва улар учун ҳақ тўланади: 28, 29 ва 30 май (6 кунлик иш ҳафтасида ишлайдиганлар учун календарь дам олиш куни) – қўшимча дам олиш кунлари;
- таътил давомийлигига киради, лекин улар учун ҳақ тўланмайди: якшанба кунлари.
Kadrovik PRO тизимидаги ишни осонлаштирадиган ва вақтингизни тежайдиган хизматлар
